الموضوع: **حديث الشارت**

المشاركة الأصلية كتبت بواسطة phen0m

كلام جميل وزي الفل و ان شاء الله بعد كدا هاجطه قدام عينيا و هامشي عليه علي طول
بالنسبة للستوب لوس و كسر الترند أستاذ أيمن علي كان قلي ان فيه طريقة زمنية للكسر و طريقة سعرية للكسر يعني مثلا المفروض لو السهم كسر الستوب لوس تقريبا لزام استني عليه يوم كمان بعد الكسر و فيه طريقة تانية ان لو كسر الستوب ب 3-5 % ببيع و تقريبا فيه طريقة بتعتمد علي كسر متوسط سعر السهم للستوب
ممكن حضرتك توضحلي استخدم انهي فيهم؟ او انهي فيهم الادق؟
و بالنسبة للمنصورة للدواجن انا اشتريت بعد ما اخدت رأي استاذ نور فقلت أكيد هوا شايف حاجة علي الشارت انا مش شايفها

ناخدهم واحدة واحدة
الكسر نوعين كسر حقيقى وكسر وهمى وعشان اتأكد ان الكسر حقيقى لازم استنى يومين يوم الكسر +يوم كمان او السعر يعدى منطقة اكسر من3% اى 5% الكلام ده صحيح ومفيش طريقة ادق من التانية اللى يحصل الاول اخد بيه على طول وديه طريقة كلاسيكية ممكن تمشى بيها فى الاول بعدين هاتلاقى حاجات تانيه تساعدك بالاضافة الى الخبرة تاكدلك السشر حقيقى ولا وهمى
الموضوع الثانى ممكن نور يكون شايف حاجه او عنده معلومة على السهم وانا معترضش انا باتكم على طريقة اختيارك للسهم انت اخترت بناءا على ان السهم داخل على ترند هايكسره خدت بالك هااااااااا مش كسره اول ماتاكد من الكسر انط ثانيا انت دلوقتى لازم تكون واثق من نفسك شايف شارت حلو وحاسس ان الورقه طالعه وسالت خبير وقالك الورقة كويسة يبقى كده اختيارك ممتاز بس الدخول انت اللى تحدده انت عشان لما تغلط يبقى تصلح الغلط فى المرة الجاية وتتعلم وده اهم كتير من المكسب
انا حاسس انى رغيت كتير لامؤاخذه اقعدوا بالعافية

لأ يا باشا رغيت ايه بس طيب ياريت تكتر من الكلام المفيد ده اللي يتقال بالدهب
عموما وجهة نظر حضرتك وصلت خلاص و ان شاء الله من المرة اللي جاية مش هفترض حاجة قبل ما تحصل
و بالنسبة للثقة بالنفس ان شاء الله تيجي مع الوقت و ان شاء الله دلوقتي هانزل كام شارت كدا و مستني رأي حضرتك فيهم

فيه ورشة تحليل هنا ممكن تفيدكوا

http://forum.m-e-c.biz/t37932-6.html#post578186

المشاركة الأصلية كتبت بواسطة phen0m

لأ يا باشا رغيت ايه بس طيب ياريت تكتر من الكلام المفيد ده اللي يتقال بالدهب
عموما وجهة نظر حضرتك وصلت خلاص و ان شاء الله من المرة اللي جاية مش هفترض حاجة قبل ما تحصل
و بالنسبة للثقة بالنفس ان شاء الله تيجي مع الوقت و ان شاء الله دلوقتي هانزل كام شارت كدا و مستني رأي حضرتك فيهم

ربنا يوفقك ياابو حميد

العاب

المشاركة الأصلية كتبت بواسطة احمد حسين

بص ياابو حميد هاقولك على نصيحتين لو مشيت بيهم هاتكسب كتير جدا
النصيحة الاولى
اوعى اوعى واياك وعلى الله تتوقع حاجه وتصدقها هاتخسر كل حاجه انت شايف ترند هابط وبتقول هايكسر لما يكسر تدخل قبل كده بقرش لا وممنوع يعنى مثلا انا شايف فى المنصوره للدواجن نموذج كوب وعروة تحت التكوين ومع ذلك ماقلتش عليه
لما يتكون ابقى اقول وهو عموما هايبقى كامل لما يكسر 54 وساعتها هاشرحهولك
النصيحة الثانية
الاستوب لوز تحافظ عليه زى عينيك معانا ترند لو اتكسر اخرج اه تخرج فورا بدون هزار وماتقولش ممكن واحتمال وكسر وهمى ومش عارف ايه ده اللى بيخسر الناس صدقنى
سالوا 100 محلل فى امريكا كل واحد طلع براى وطريقة لكن ال100 اتفقوا على الاستوب لوز
حلو الكلام ولا نقول كمان

يا استاذ احمد السهم استقر فوق 54 اتفضل بقي اشرحلي نموذج الكوب و العروة
معلش انتا اللي دبست نفسك بقي

المشاركة الأصلية كتبت بواسطة phen0m

يا استاذ احمد السهم استقر فوق 54 اتفضل بقي اشرحلي نموذج الكوب و العروة
معلش انتا اللي دبست نفسك بقي

بس كده عينيا الاتنين هاشرحهولك بالتفصيل فى مشاركة منفصلة واحللك السهم

انت ضحكت عليا والسهم ماستقرش فوق 54
بس برضه هاشرحلك النموذج بكل تفاصيله بس عايزك تحفظه بشروطه لحد مانشرح نموذج جديد

العاب

نموذج الكوب والعروة هو نموذج استمرارى وسمى بالكوب والعروة او الكوب والمقبض لانه ياخذ شكل الفنجان

الكوب الملون باللون الاخضر

مدته : من 7اسابيع حتى 65 اسبوع
الشكل : يجب ان يكون على شك كأس او نصف دائره ولكن اذا اخذ شكل V فهذا خطا
الشروط : يجب ان تكون النقطة 2 مساوية للنقطة 1 واذا كانت اعلى فهذا افضل اما لو كانت اقل فهذا خطأ ويجب ان يكون هناك عروة او مقبض على يمينه

العروة والملونة باللون الاحمر

المدة : اقل مدة اسبوع وعادة تصل الى اسبوعين
الشكل : تاخذ عدة اشكال كوب صغير او شكل مثلثى
الشروط : يجب ان لا تتعدى العروة نصف الكوب باى حال
طريقة قياس المستهدف : يتم القياس من الترند لاين الواصل بين النقطتين 1 و 2 الى ادنى نقطة بالكوب عند النقطة ( 3 ) ويتم اضافته بعد اختراق الترند لاين عند النقطة ( 4 ) وبهذا يكون المستهدف عند النقطة ( 5 )
تحذير هام : قد يخترق السعر خط الترند لاين ويحقق من 10 %الى 15 % وينعكس الاتجاه فاذا حدث هذا وهبط عن ادنى نقطة بالعروة فيجب البيع فورا وايقاف الخسارة

اعتقد بكده النموذج استوفى الشرح لو فيه حاجه مش واضحة اسالنى وانا افسرهالك

تمام انا فهمت النموذج بس كان عندي كام سؤال
دلوقتي الخطوط اللي حضرتك رسمتها دي بنرسمها ازاي فالميتاستوك؟(اصدي علي الخطوط السبه دائرية
ثانيا هوا كدا النموذج اكتمل ولا لسا مكتملش؟
ثالثا لما اجي ارسم الكوب هل لازم الخط اللي انا راسمه كل الشمعات تكون لمساه؟

المشاركة الأصلية كتبت بواسطة phen0m

تمام انا فهمت النموذج بس كان عندي كام سؤال
دلوقتي الخطوط اللي حضرتك رسمتها دي بنرسمها ازاي فالميتاستوك؟(اصدي علي الخطوط السبه دائرية
ثانيا هوا كدا النموذج اكتمل ولا لسا مكتملش؟
ثالثا لما اجي ارسم الكوب هل لازم الخط اللي انا راسمه كل الشمعات تكون لمساه؟

الخطوط ديه بارسمها ببرنامج اسمه snagit
النموذج مكتمل بس لسه ماخترقش الترند لاين فوجب الحذر
مش لازم كل الشموع تلمس الخط المهم يكون الشكل اشبه بنصف دائرة وكلما اصبح الشكل اكثر استدارة كلما اصبح افضل