البرنامج التأهيلي لشهادة محاسب إداري معتمد CMA

إعلانات تجارية اعلن معنا

صفحة 6 من 33 الأولىالأولى 12345678910111213141516 ... الأخيرةالأخيرة
النتائج 51 إلى 60 من 326

الموضوع: رؤيه وشارت للسوق المصرى

  1. #51

    افتراضي رد: رؤيه وشارت للسوق المصرى

    عظيم

    نظره موفقه إن شاء الله

  2. #52

    افتراضي رد: رؤيه وشارت للسوق المصرى

    رؤيه وشارت للسوق المصرى نادي خبراء المال


    أستاذ / أسامــــــة


    بالتوفيق دائما ان شاء الله . .

    شكرا لك . .

  3. #53

    افتراضي رد: رؤيه وشارت للسوق المصرى

    مساء الخير جميعا

    الأخ العزيزاm_fikry يسعدنى ويشرفنى تواجدك معنا وفى انتظار مشاركاتك وارائك

    AZZA اهلا وسهلا بالأصدقاء ، حقا الأصدقاء دائما رائعين عندما نجدهم

  4. #54

    افتراضي رد: رؤيه وشارت للسوق المصرى

    يتحسن السوق المصرى يوما بعد يوم على المدى القصير على الأقل
    بدأت تقارير المحللين تتخلى عن تحفظاتهم رويدا رويد ,وبدأ يبدو للبعض امكانية اتخاذ اتجاه عرضى او صاعد على المدى المتوسط . بدأ المتعاملون بالمتاجره فى السوق بجرأه اكبر من الأسابيع السابقه يتضح ذلك فى زيادة احجام التداول بالرغم من اتجاه الأجانب للبيع ومن زيادة الذبذبه السعريه للأسهم وتحقيق اسعار اعلى فى سهم ما كل يوم . بدأت بعض التقارير فى رفع سقف توقعاتها للصعود الحالى .

    الآن اصبح هناك اغلبيه مؤيده لأتجاه صاعد على المدى القصير على الأقل ، وتحول فى اراء البعض يوما بعد يوم بالنسبه للأتجاه المتوسط بين المحللين والمتداولين . يعطى هذا زخما اكبر للسوق فى الوقت الحالى

    ماذا يهمنا هنا الآن ؟ يهمنا كيفية الأستفاده من هذا فى تحقيق افضل النتائج مع الحفاظ على درجه مقبوله من المخاطره

    عندما يحصل السوق على قوة دفع مثل تلك غالبا لا تشهد جنى ارباح يستمر وقتا طويلا بل احيانا يبدأ وينتهى داخل جلسه واحده ويستمر ذلك حتى يستنفذ السوق جزءا جيدا من هذا الزخم ، وهذا مابدا بوضوح فى جلسة اليوم

    سأتابع اليوم معكم بعد الثانية عشره مساءا (بتوقيت القاهره)بأذن الله ... اللى سهران هيلاقينا واللى مش سهران ممكن يلقى نظره صباحا

    فى انتظار مشاركاتكم وارائكم وشارتاتكم . النقاش المعنيون به هذا المساء هو

    رأيك فى الحاله العامه للسوق على المدى القصير والمتوسط ؟
    كيف ترى افضل استراتيجيه للأستفاده من وضع السوق حاليا مع درجه مقبوله من المخاطره ؟

  5. #55

    افتراضي رد: رؤيه وشارت للسوق المصرى

    بسم الله الرحمن الرحيم

    اولا باشكر الاستاذ اسامة على ارساله لى اللينك الخاص بهذا التجمع الجميل وان شاء الله نتواجد معكم بقدر الامكان

    ثانيا بالنسبة لرايى فى السوق فحقيقة انا من الناس اللى مهتمة جدا بتحليل الاسواق العالمية وبالاخص السوق الامريكى قبل وضع اى تصور عن السوق المصرى ومؤمن جدا بتبعيتنا لهذا السوق طبعا على مستوى الاتجاه العام والمتوسط وليس قصير الاجل
    الداو خلال الفترة الاخيرة عمل موجة صاعدة تصحيحة من مستوى ال6400 تقريبا حتى ال7400 هاى جلسة النهاردة ولو حد متابعنى فى المنتديات كنت اشرت ان الداو غالبا مش هايقدر يعدى هذه المنطقة السعرية بسهولة او من اول محاولة على الاقل والاحتمال الاكبر انه يجنى ارباح من هناك وكان من وجهة نظرى انى انتظر القاع القادم فى الداو عشان اتاكد ان الموجة التصحيحية لسه فيها تانى ولا انتهت خالص عند المنطقة ده ومن ثم نبدء فى موجة هبوط اخرى نكسر بيها القاع الاخير وعلى الارجح السوق المصرى فى هذه الحالة لن يسلم من الموجة الهابطة القادمة فى الداو ان صح التوقع

    النهاردة الداو عمل شمعة شوتينج ستار سيئة جدا بفتيل علوى كبير اوى الهاى بتاعها ارتطم بمنطقة مقاومات انا متوقع ان الداو هانشوف فيه عدة جلسات حمرا خلال هذا الاسبوع والسوق المصرى نفس الاشكالية النهاردة وامبارح ارتد من منطقة مقاومات قوية جدا ( متوسط50 يوم+حد علوى لقناه سعرية+مستهدف ايجابى تم تحقيقه لمثلث متماثل+الاوراسكومات وموبينيل والتجارى شكلهم مش حلو وداخلين على جنى ارباح ) اعتقد لو ربطنا الكلام ده ببعضه فاستعداد السوق المصرى بالتاثر بشمعة اليوم فى الدوا واكيد ناس كتير متابعاها ومتوقعة جلسة حمرا بكره فى الداو فممكن تحب تسبق الناس بخطوة وتبدا بجنى الارباح بكره بعد النصف الثانى من الجلسة ممكن يحصل تماسك فى بداية الجلسة والاوراسكومات تطلع تشيك تانى على القمم بس رايى انها مش هاتكمل وهانشوف بداية جنى ارباح اعنف قليلا من النهاردة وامبارح

  6. #56

    افتراضي رد: رؤيه وشارت للسوق المصرى

    الأستاذ أبو زياد75

    اهلا وسهلا بيك أخ عزيز ، فى انتظار تواصلك معنا وفى انتظار الشارتات مع التعليقرؤيه وشارت للسوق المصرى نادي خبراء المال

    انا الحقيقه مش قلقان لغاية دلوقتى ، حتى بعد جلسة الداو ، انا مقتنع ان الداو على المدى الطويل سىء ويمكن سىء جدا
    ومقتنع اننا متأثرين باللى بيحصل فى العالم طبعا واى مفاجآت او انهيارات هناك هتأثر عندنا ، وطبعا الداو عمل هبوط متوقع فى نهاية جلسة اليوم ، الغالبيه توقعته اليوم يحصل وانا منهم ، وايجى اكس كان فيه بياع النهارده شويه بياع سببه اللى انت قولته بالظبط ، جنى ارباح وبيع قبل مقاومه مهمه بشويه . برغم كل ده مش قلقان ( لغاية دلوقتى ) وهشرح اسبابى برضه ، زى ماتفضلت حضرتك وشرحت اسانيد رأيك ، قبل ما اكمل احب اوضح انى طبعا مش مستبعد السيناريو اللى حضرتك ذكرته لأنه موجود دايما ولكن فقط انا برجح سيناريو اخر

    ده شارت ايجى اكس اللى شغالين عليه من بداية الباب ( وكنت شغال عليه قبل كده فى مكان آخرمن اول مارس ) بعد تحديث جلسة الأثنين 16 مارس ، شارت الديلى

    ** السوق المصرى فيه موضوع التسويه والموضوع ده بيعمل اختلافات شويه فى السلوك عن الأسواق العالميه اللى اغلب دراسات التحليل الفنى بتكون مستمده منها ، مثلا المفروض بعد اجتياز مقاومه مهمه وقويه نشوف اندفاعه كبيره للصعود قبل ما يحصل عوده لأختبار المقاومه المكسوره وكتير مش بيحصل سريعا ، والسبب فى الأندفاعه دخول مشترى بعد تخطى المقاومه لأنه بقى شايف تارجت جديد مكانش شايفه قبل الأختراق ومشترى آخر بتاع الشورت سيلينج داخل يقفل الشورت بتاعه زى مابتاع اللونج بيقفل البوزيشن مع كسر الدعم لأيقاف الخسائر او المحافظه على الربح ( ده بالنسبه للأسواق اللى مفيهاش موضوع التسويه)وفيها شورت سيلينج
    فى السوق المصرى تلاقى بعد شمعة الأختراق شمعة بيع واحيانا شمعة استراحه فيها تعادل بين البائع والمشترى ...ليه؟

    الأختراق بيحصل غالبا بفوليوم عالى ... المشترى بيبقى تانى يوم خايف يشترى علشان تسوية الناس اللى اشتروا قبله بيوم وهيكونوا كسبانين كويس لو السوق كمل كتير تانى يوم شرائهم لو السوق كان عالى فى تانى يوم شراء المشترى هيخاف يشترى بسعر عالى وهو شايف ان تانى يوم فيه بياع وهو هيكون محبوس لليوم اللى بعده . فبيفضل انه يستنى تسوية الفوليوم ولو شاف تماسك فوق العم الجديد بيشترى من بتوع التسويه دى لأن الأسعار هتكون احسن بسبب فوليومهم الكبير اللى فيه اكيد بياع عاوز يبيع

    كمان المشترى مشترى لونج ومفيش بتاع الشورت اللى بيقفل ، باور الشراء هنا تانى يوم الأختراق اقل من سوق فيه شورت ومفيهوش تسويه

    الكلام ده بيبان اكتر لما نكون فى داون تريند على الفريم الأكبر وسيوله ضعيفه زى وضعنا الحالى

    يبقى شمعة اليوم فى الكايس كانت متوقعه ولأنها كانت متوقعه كجنى ارباح فهى فى حد ذاتها مش كافيه لوحدها لعمل بانك او التسبب فى تراجع حاد

    لاحظ ان شمعة اليوم اشتغلت داخل جسم شمعة اليوم السابق وده مختلف عن شمعة يوم 16 فبراير (ملاحظ التاريخ شهر بالتمام .. ده موضوع تانى) انا عامل دايرتين على حالة فبراير وحالى مارس ايام 15و16 للمقارنه ) الشمعه النهارده مش عامله هاى جديد وده كويس ... الحقيقه لو لاحظت شمعة 15 مارس هنلاقى البياع ابتدى من يوم الأختراق نفسه .وشوف كمان الأختراق بتاع 11 مارس والشمعه اللى بعده فى 12 مارس

    الشمعه بتاعتنا كده تفرق عن شمعة الداو وطالما بنتكلم على المدى القصير ( اللى انا وانت متفقين اننا مش مرتبطين بالداو اوى فيه ) يبقى على المدى القصير احنا هناخد بشمعتنا ومدلولاتها ( بتكلم عن رأيي الشخصى طبعا)

    الداو هرجعله بشارت ليه بعد مؤشرنا علشان ليي فيه رأى .

    على شارت مؤشرنا كمان فيه تنويعه لقنوات سعريه اعتقد ان المؤشر ممكن يتبعها شوية ، كمان فيه المقاومات وانا موضح ليه 3920 قويه بالنظر للمقاومات التاريخيه وبنفس الدرجه 4260

    كمان النظره للمومنتم عند الموقف بتاعنا دلوقتى تقول انه افضل من مواقف سابقه فى الشهور الأخيره

    انا شايف 3720 تعبنا قوى علشان نعديها واحنا قافلين النهارده 3780 ، يعنى مش بعيد عنها مع اعتبار ان الفتح ممكن يكون عندها لو نزلت تحتها هقلق شويه لو كسرت 3650 هراجع نظرتى للسوق. انا ممكن اتوقع اننا منخرجش من القناه الثانيه ونشتغل فيها شويه جلسه او اتنين قبل ما ننقل للى بعدها .. انا برجح ده دلوقتى وطبعا هراجع ترجيحى ده كل جلسه زى ما عملت من نهاية فبراير مش هغير نظرتى المتفائله للمدى القصير الا بتحقيق التارجتات او بكسر النقاط اللى بعتبرها ممكن تقلب السوق ، لو اشتغلنا جلستين فوق 3700-3720 ، اعتقد 3920 مش هتكون مقاومه قويه بعد كسر 3860مره اخرى



    http://forum.m-e-c.biz/attachment.ph...1&d=1237263573
    المصغرات المرفقة المصغرات المرفقة اضغط على الصورة لعرض أكبر

الاســـم:	EGYX30163B.jpg‏
المشاهدات:	94
الحجـــم:	425.4 كيلوبايت
الرقم:	68468  

  7. #57

    افتراضي رد: رؤيه وشارت للسوق المصرى

    الداو وتراجع كان متوقع من المستوى ده . شمعة الداو مختلفه عننا وده طبيعى لأن الشارت بتاع الداو مختلف فى المدى القصير عننا . الداو شكله وحش عننا . لكن فيه مومنتم ظهر بسبب الطلوع الأخير ده وبرضه الكلام للمدى القصير . هو محتاج يرجع طبعا وانا برشح مستوى 7100 يليه 6900-7000 ومش مستبعد انه يطلع من احداهم ويروح يجرب تانى وساعتها بقى ده الوقت اللى ممكن يكون فيه تأثير عندنا لأنه هيحدد شكل الداو على المدى القصير هيطلع فوق 7500 ويخش فى اتجاه قصير صاعد زى ماحصل عندنا ولا هينزل من قمه اقل مع مؤشرات سلبيه ويحصل ترجيح ساعتها لمستهدفات اقل من 6500 فى ابريل وهنا ممكن يحصل البانك قبل كسر 6500 حتى بس دلوقتى فيه توقعات وامال فى الدخول فى حركه تصحيحيه تتجاوز 7500 وتستهدف مابين 8000-9000 بنط؟ قبل الأختبار ده للداو معتقدش اننا هنتأثر بيه جامد قبل كده لأن الآمال فى الصعود مش هتقل الا ساعتها , انا كده مش متوقع قلق كبير لغاية اختبار 6900 فى الداو

    المصغرات المرفقة المصغرات المرفقة اضغط على الصورة لعرض أكبر

الاســـم:	DOW163D.jpg‏
المشاهدات:	82
الحجـــم:	366.4 كيلوبايت
الرقم:	68469  

  8. #58

    افتراضي رد: رؤيه وشارت للسوق المصرى

    النيل للكبريت , مش هكون مستريح لو تخطى 23.5 دلوقتى , بالرغم من انها مقاومه رئيسيه الا ان تخطيها لو حصل فى جلسة اليوم او غدا مش هكون مستريح ليه او بمعنى اصح هكون حاسس انها مخاطره شويه . وجود مقاومة 25 قريبه من 23.5 ممكن تخللى اجتياز 23.5 دلوقتى فخ خصوصا لو من غير فوليوم . على مدى اطول شويه شكل السهم ايجابى وممكن يروح فوق الكلام ده .... انا افضل اشوفه عند او قريب من 19 قبل أختراق 23.5
    المصغرات المرفقة المصغرات المرفقة اضغط على الصورة لعرض أكبر

الاســـم:	NMPH163DB.jpg‏
المشاهدات:	86
الحجـــم:	345.7 كيلوبايت
الرقم:	68470  

  9. #59

    افتراضي رد: رؤيه وشارت للسوق المصرى

    ايجيترانس
    حركه عرضيه بين30-32, ولما يحصل اختراق لمستوى 32 هتكون المقاومه بعدها 35-36 المشترى افصح عن نفسه فى جلسة الأحد
    المصغرات المرفقة المصغرات المرفقة اضغط على الصورة لعرض أكبر

الاســـم:	ETRS163D.jpg‏
المشاهدات:	95
الحجـــم:	238.2 كيلوبايت
الرقم:	68472  

  10. #60

    افتراضي رد: رؤيه وشارت للسوق المصرى

    العربيه حليج ... يمكن مش الأختيار الأفضل حاليا ...لكن هعرضه لسبب . المفروض لو السهم هيكمل يحافظ على2.85-2.88ميروحش بعيد عنها ولا يقفل تحتها, لو عمل كده النهارده ده هيكون كويس ومعناه مثلا ان مفيش رمى فى السوق .... اللى طلع كتير وعند اعلى نقطه ممكن وهو بيجنى ارباح ينزل اكتر من اللى فى حركه عرضيه بقاله اكتر من جلسه او اتنين ...
    المصغرات المرفقة المصغرات المرفقة اضغط على الصورة لعرض أكبر

الاســـم:	acgc163d.jpg‏
المشاهدات:	100
الحجـــم:	318.6 كيلوبايت
الرقم:	68476  

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. نظرة تحليلية للسوق المصري اليوم وأمس
    بواسطة mohamed.a.a.ihsan في المنتدى نادي خبراء البورصة المصرية Egypt Stock Club
    مشاركات: 2
    آخر مشاركة: 10-11-2014, 07:40 PM
  2. جلسة نهاية الاسبوع للسوق المصرى امس
    بواسطة نانسي الشاعر في المنتدى نادي خبراء البورصة المصرية Egypt Stock Club
    مشاركات: 0
    آخر مشاركة: 05-07-2013, 10:26 AM
  3. رؤيه مستقبلية للسوق السعودى
    بواسطة محمد سعد في المنتدى نادي خـبـراء سـوق الـمـال السـعودي Saudi Stock Experts Club
    مشاركات: 6
    آخر مشاركة: 21-04-2013, 11:42 PM
  4. المنتدى الثانى لعام 2008 ( رؤيه وتحليل لسوق المال المصرى ) الدعوة عامه _ بالاسكندرية
    بواسطة estsmar2007 في المنتدى نادي خبراء البورصة المصرية Egypt Stock Club
    مشاركات: 0
    آخر مشاركة: 27-07-2008, 01:39 PM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

يعد " نادى خبراء المال" واحدا من أكبر وأفضل المواقع العربية والعالمية التى تقدم خدمات التدريب الرائدة فى مجال الإستثمار فى الأسواق المالية ابتداء من عملية التعريف بأسواق المال والتدريب على آلية العمل بها ومرورا بالتعريف بمزايا ومخاطر التداول فى كل قطاع من هذه الأسواق إلى تعليم مهارات التداول وإكساب المستثمرين الخبرات وتسليحهم بالأدوات والمعارف اللازمة للحد من المخاطر وتوضيح طرق بناء المحفظة الاستثمارية وفقا لأسس علمية وباستخدام الطرق التعليمية الحديثة في تدريب وتأهيل العاملين في قطاع المال والأعمال .

الدعم الفني المباشر
دورات تدريبية
اتصل بنا