احترافية التحليل الفني في السوق السعودي

إعلانات تجارية اعلن معنا

النتائج 1 إلى 4 من 4

الموضوع: تجربتى مع السوق ** كيف تربح **

  1. #1
    الصورة الرمزية ahmed phen0m

    02 تجربتى مع السوق ** كيف تربح **

    بسم الله الرحمن الرحيم
    صباح الخير علي الجميع اتمني ان الكل يكون في احسن حال و تكون الجسلة مربحة للجميع ان شاء الله
    انا قولت بما ان الجلسة خضرا و الناس مزاجها حلو و بناء علي طلب استاذ و كبير علماء البورصة المصرية استاذ نور المصري و كنوع من رد الجميل لهذا المنتدي الجميل الذي علمنا الكثير حبيت احكي تجربتي مع السوق و هيا تجربة قصيرة (حوالي 8 شهور)ومتواضعة بالنسبة للكثيرين لكني و الحمد لله منذ ان بدأت في البورصة و انا احقق ارباح جيدة خصوصا مع ظروف السوق الغير جيدة و هذا لأني اتبع عدد من المباديء التي تعملتها من استاذنا الكبير نور المصري وحبيت اني اعيدهالكم حتي يتذكرها الاخرون لعلهم يستفيدون منها

    1.الرزق ده بتاع ربنا اول واخيرا و كل ما علينا هوا السعي وراءه لاكن لا داعي لحرقة الدم و العصبية والانفعال مثلما يفعل البعض لأن لو فيه جنيه مش مكتوبلك ان تاخدوا مش هتاخدوا لو عملت ايه
    لذا فلنتوكل دائما علي الله
    2. الفرص لا تنتهي فلا داعي للعجلة و مش معني ان سهم طلع اننا نجري وراه او معني ان سهم نزل اننا نشتريه
    المهم اننا حتي لو اشتريناه وهوا طالع جنيه يكون لسا ان شاء الله هيطلع 10 جنيه مش نشتريه وهوا نازل جنيه و يكون لسا هينزل جنيه
    3.الشراء دائما يكون و السوق احمر و البيع دائما و السوق اخضر
    و المبدأ ده فرق معايا انا بالذات كتيير جدا لأني اول ما دخليت البورصة كنت اول ما اقول السوق اخضر و الاسهم بدأت تطلع كنت اقوم شاري و ده اكبر غلط لان مهما السوق طلع لازم هيدخل في فترة تصحيح و الذكي هوا اليي هيستني فترة التصحيح دي ويدخل فيها
    مثال: يعني مثلا لما حسني مبارك تعب و قالك ده فيه اشاعات و السوق نزل جامد سهم زي الاسماعيلية للدواجن مثلا نزل ل 95 جنيه تقريبا تاني يوم اول ما السوق اتحسن السهم طلع علي طول ل 107 جنيه يعني تقريبا مكسب 9% في يوم واحد
    ( و دي حتة اتعلمتها من اللعيب الكبير ابو نور و هوا ان السوق كله خير وعمره مبيزعل حد لو احمر يبقي هنشتري ولو اخضر يبقي هنبيع علشان كدا انا عيزكوا تحبوا السوقتجربتى مع السوق ** كيف تربح ** نادي خبراء المال)
    4. الالتزام بنقاط وقف الخسارة اهم من اي حاجة تانية في الدنيا
    نقطة وقف الخسارة عامله زي حزام الامان او الاير باج في العربية لقدر الله لو حصل حاجة هيا اللي بتحميك نقاط وقف الخسارة هيا برده اللي بتحميك من الخسارة لقدر الله
    انا عارف الناس بتفكر ازاي ( و انا طبعا كنت بفكر كدا لغاية متعلمت):يقوللك ايه بعني السهم ينزل جنيه ولا اتنين مسيره بكره هيعلي تاني او يقولك مهما نزل اكيد هعمل الدورة زمنية بتاعته و هيرجع يطلع تاني
    ماش كلا سليم بس انا ايه اللي يخلين احبس فلوسي في السهم عما يلف دورته و يرجع يطلع تاني , عما يعمل الدورة الزمنية دي تكون فيه فرص كتير راحت عليا
    مثال: انا اشتريت سهم(سهم المشروعات) ب 20 و نقطة وقف الخسارة 19 في الازمة اللي فاتت السهم نزل ل 15 تقريبا
    عميل 1: باع عند 19 بخسارة 1 جنيه و استني السهم عند 15 و اخده تاني لما السهم يتحرك و يبقي ب 19 او 18 جنيه هيبقي كسبان 2او 3 جنيه وده بعد طرح الخسارة الاولية
    عميل 2:لما السهم كسر ال19 فضل في السهم و قالك استني ينزل ويطلع تاني لما السهم يكون ب 17 مش يعرف يبيع لانه هيبقي خسران2 جنيه فهيضر يستني السهم لما يعدي ال 19 و يمو ما يبقي ب 20 او 21 هيكون كسبان ال2-3 جنيه الل الاولاني كسبهم بس في وقت اطولتجربتى مع السوق ** كيف تربح ** نادي خبراء المال
    انا عارف ان فيه نازل بتزعل لما تبيع بخسارة و بيحس بزعل جامد و بإكتئاب وكدا وانا من الناس دي لاكن احسن حاجة انك متحسبش نفسك بالقطعة يعني متبصش لكل عملية لوحدها احسن حاجة انك تحاسب نفسك كل 6 شهور او سنة يعني من شهر واحد لشهر ستة تشوف عملت كام عملية وكسبت كام وخسرت كام سعتها موضوع نقطة وقف الخسارة ده مش هيديقك زي الوال
    5. الشراء علي الاشاعة والتصريف دايما علي الخبر
    و ما سهمي لكح وطلعت مصطفي عنا ببعيدين
    6.knowledge is the power so keep educating yourself
    ايوا القوة في المعرفة لو انتا افهم انتا بتعمل ايه هتبيع وانتا مطمن وهتشتري وانتا مطمن و مش هتبقي معتمد علي فلان او علان انه يديلك التوصية و لما يغيب تبقي محتار ومش عارف تتصرف(انا لسا في المرحلة دي علي فكرة )لازم تتعلم مبادئ المجال اللي انتا فيه يعين لو انتا واخد الموضوع هواية مش لازم تعمل دكتوراه في التحليل الفني لاكن يكفيك انك تعرف المبادئ علشان حتي لما تشوف شارت مرفوع في اي حتة لما تلاقي عليه تعليق تبقي فاهم ايه اللي بيتقال
    و انا بقول الكلام ده علشان اشجع نفسي وا شجع الاخوة الاعضاء علي تعلم اساسات التحليل الفني والحمد لله املنتدي هنا بيوفرلنا كل اللي احنا محتاجينه علشان نتعلم و بدون اي مقابل
    7.الهلع و الطمع اهم اعداء البورصجية
    و ده بيحصل جامد جدا و مع ناس كتير ان اول ما السوق ينزل تلاقي الناس كلها بتبيع بيع عشوائي و ده بيخلي السوق ينزل اكتر و بييبهدل ادلنيا
    و كمان الطمع يعني المفروض طول ما السهم طالع انتا متفضلش تتفرج عليه لأ كل ما يطلع جنيه تبيع حتة و بلاش تطمع يعني مثلا كان مستهدفك 20 جنيه و ناش قالت السهم هيجيب 22 ومتستناش و قول احلمد لله انك كسبان و بيع و انتظر مكسب تاني في فرصة تانية

    دي كانت بس شوية ملاحظات صغيرة حبيت اشارك بيها الاخوة الاعضاء هنا
    و احب اشكر استاذنا و اخونا الكبير الاستاذ نور اللي دايما معانا و عمره ما أتاخر علينا في اي حاجة و كل ده بدون مقابل فاقل حاجة ممكن نعملها اننا ندعيله ان ربنا يباركله في رزقه ويزيده من علمه

  2. #2

    05 تجربتى مع السوق

    الله يبارك فيك يا phen0m

    أنت من الناس القلائل الذين يلتزمون بالتعليمات والقواعد

    وساعدك فى كده أن بداية تعليمك كانت صحيحه
    فلم تغلب عليك بعض السلوكيات الخاطئة للمتداولين
    مما ساعدك على النجاح والربح

    وأرجو من الجميع حذو طريق phen0m
    بس أنا مش كبير علماء البروصه الله يرضى عنك
    وأعوذ بالله من الكبر والتكبر
    أنا أقل من أى واحد هنا وأنا مجرد سبب لا أكثر

    وتحياتى للجميع
    وأتمنى الربح والتعويض للجميع

  3. #3
    الصورة الرمزية المصرى أفندى

    افتراضي رد: تجربتى مع السوق ** كيف تربح **

    يا سلام يا Phen0m إيه الجمال ده
    يا رب يكرمك ويزود أرباحك

  4. #4
    الصورة الرمزية ahmed phen0m

    افتراضي رد: تجربتى مع السوق ** كيف تربح **

    يارب يا استاذ مصري و من ضمن الارباح اللي الواحد حققها معرفة الناس المحترمة زي حضرتك وزي استاذ نور المصري

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كيف تربح الهوامير والاستفاده من اتجاه السوق
    بواسطة ahmed h22 في المنتدى نادي خبراء الأستراتيجيات والاكسبيرتات والبرمجة Strategies & Experts Advisors
    مشاركات: 4
    آخر مشاركة: 19-02-2017, 12:37 AM
  2. كيف تضاعف أموالك ... تجربتى الخاصة
    بواسطة المصرى أفندى في المنتدى نادي خـبـراء الـبـورصه العالمية
    مشاركات: 26
    آخر مشاركة: 19-10-2013, 11:26 PM
  3. تجربتي مع الصناعة المصرية
    بواسطة MaZaGAngeE في المنتدى نادي خبراء المشاريع الأقتصاديه ودراسات الجدوى Economic Feasibility Studies
    مشاركات: 1
    آخر مشاركة: 02-02-2011, 08:34 PM
  4. تجربتي بالشارت هديه لكم
    بواسطة jeddah28 في المنتدى نادي خـبـراء الـبـورصه العالمية
    مشاركات: 2
    آخر مشاركة: 10-09-2007, 07:56 PM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

يعد " نادى خبراء المال" واحدا من أكبر وأفضل المواقع العربية والعالمية التى تقدم خدمات التدريب الرائدة فى مجال الإستثمار فى الأسواق المالية ابتداء من عملية التعريف بأسواق المال والتدريب على آلية العمل بها ومرورا بالتعريف بمزايا ومخاطر التداول فى كل قطاع من هذه الأسواق إلى تعليم مهارات التداول وإكساب المستثمرين الخبرات وتسليحهم بالأدوات والمعارف اللازمة للحد من المخاطر وتوضيح طرق بناء المحفظة الاستثمارية وفقا لأسس علمية وباستخدام الطرق التعليمية الحديثة في تدريب وتأهيل العاملين في قطاع المال والأعمال .

الدعم الفني المباشر
دورات تدريبية
اتصل بنا