أحترافيه الشموع اليابانية وأقوي الأستراتيجيات بنظام الاتشيموكو

إعلانات تجارية اعلن معنا

صفحة 18 من 29 الأولىالأولى ... 8910111213141516171819202122232425262728 ... الأخيرةالأخيرة
النتائج 171 إلى 180 من 289

الموضوع: شارت...ورؤية...ونقااااااش (أبوزياد التونسى)

  1. #171

    افتراضي رد: شارت...ورؤية...ونقااااااش (أبوزياد التونسى)

    متهيالى يا اخ دمرداشى الاخوة هنا ماسبوش حاجة ارد بيها عليك جزاهم الله كل خير
    يا ايمن باشا الباب بابك اقتحمه زى ما انت عاوزبس بالراحة احسن يتكسر فى ايدك هههههههههه انت عارف انك صديق واخ عزيز من زمان يا ايمن ومش محتاج استئذان بالعكس ياريت دايما كده تزيد الباب توهجا بالنقاش الجميل ده

    عايزين بقه نتفق على حاجة للتوضيح مش اكتر يا جميل وهى بالنسبة لنماذج الهارمونيك بشكل عام اننا مابناخدش منها مستهدفات ولكن نقاط احتمالية مسبقة للبيع او الشراء عندها عند الوصول لها بالفعل

    يبقى بالنسبة للفايف باترن اللى انت اشرت له مشكورا ماينفعش اقول اننا نتوقع وصول المؤشر لنسبة ال162 بناءا على النموذج ده لان ده مش هدف نماذج الهارمونيك ولكن فى حالة وصول المؤشر بالفعل لنسبة ال162 فيبو (على الاقل) ساعتها نقدر ناخد قرار بوضع اوردر بيع مسبق عند تلك النسبة لاحتمالية الارتداد لاسفل حينها واعادة الشراء عند نسبة ال50% (وكمان لازم يكون عندك ادوات فنية اخرى مساعدة تعضد من هذه القرارات)

    على العموم ربنا يسهل الحال وارتفاع الداو يساعد سوقنا على اختراق المنطقة السعرية اللى حنا واقفين فيها دلوقتى لانها صعبة حبتين وهارفع شارت دلوقتى يوضح اهمية المنطقة ده

  2. #172

    افتراضي رد: شارت...ورؤية...ونقااااااش (أبوزياد التونسى)

    شارت...ورؤية...ونقااااااش (أبوزياد التونسى) نادي خبراء المال

    Uploaded with ImageShack.us

    ايجى اكس30

    رفعنا هذا النموذج منذ 3 ايام تقريبا خلال احد المناقشات هنا بالباب واوضحنا المستهدف الهبوطى للنموذج حينها

    وعشان يكون الكلام متواصل مع بعضه ...خط العنق المكسور سابقا اصبح دلوقتى خط مقاومة للمؤشر كما هو موضح بالشارت وكمان بقه عنده نسبة ال78.61% فيبو لاخر موجة هبوط يعنى منقطة مقاومة مش هينة

    طب واحد يقولى انا خرجت على نموذج الراس والكتفين يوم 27/10 لاما اتكسر خط العنق لتحت ودلوقتى الداو طالع والدنيا مزهزه ادخل امتى؟؟

    اقوله مفيش دخول غير لما شمعة بكره تخترق خط العنق ده لاعلى وتبات فوقيه وتكسر نسبة ال78.6% وياريت كمان لو عايز تطمئن اكتر تستنى لما يكسر قمة الكتف الايمن عند ال6868 ساعتها صاحب النموذج نفسه يقول لك توقع انفجار سعرى لاعلى ولا يعرف له تعليلا (قد يكون البائع اللى انضحك عليه وباع فوق وكان مستنى اسعار اقل دخل كالمشترى المسعور خوفا من هروب الاسعار)

    طبعا كل الكلام ده على مؤشر الايجى اكس30 فقط ولكل سهم حالته المنفصلة

  3. #173
    الصورة الرمزية احمد حسين

    افتراضي رد: شارت...ورؤية...ونقااااااش (أبوزياد التونسى)

    اقتباس المشاركة الأصلية كتبت بواسطة aiither2005 مشاهدة المشاركة
    تحياتى للاستاذ احمد حسين و المجهود الجبار و لكن لو امكن اضيف شئ لموضوع الفراشة و هو ان السى تكون محصورة ما بين 38% و 88.6% و على اساسها تتحدد النقطة دى
    و لك جزيل الشكر
    متشكر جدا على ثناءك يااخى وتحية ليك احب اضع كتاب كارنى سكوت ( the harmonic trader ) مترجم شارت...ورؤية...ونقااااااش (أبوزياد التونسى) نادي خبراء المال

  4. #174
    الصورة الرمزية احمد حسين

    افتراضي رد: شارت...ورؤية...ونقااااااش (أبوزياد التونسى)

    اسف الملف بتاع الهارمونيك ماكانش اترفع
    الملفات المرفقة الملفات المرفقة

  5. #175

    افتراضي رد: شارت...ورؤية...ونقااااااش (أبوزياد التونسى)

    اقتباس المشاركة الأصلية كتبت بواسطة أبوزياد (التونسى) مشاهدة المشاركة
    شارت...ورؤية...ونقااااااش (أبوزياد التونسى) نادي خبراء المال

    Uploaded with ImageShack.us

    اجواااااء...

    طيب بمناسبة خبر اجواء اللى اتنشر امبارح بالاهرام
    فاكرين المثلث القديم اللى رفعناه قبل كده ..فاكرينه؟؟
    خلاص سيبيكوا منه !!!وحش ما تاخدوش منه حاجة هههههههههه
    خلاص تشوه اختنق ومات باسفيسكيا الخنق
    دلوقتى فى مثلث جديد ومعلومات جديدة
    بصوا عالشارت كده
    مثلث صاعد صغير اوى لسه ما اخترقش حاجة
    طب انا هاتعامل مع الخبر اللى زى الزفت اللى اتنشر امبارح ده ازاى
    واحد يقولك انا هابيع يا عم ده الراجل اتحال للمحكمة الاقتصادية وهرب بره البلد والسهم رايح فى ستين داهية
    والتانى ذكى شوية وبيفكر عكس الاخرين وعايز يستغل الموقف بتاع الميكروباصات اللى احنا واقفين فيه !!!يقولك المثل بيقول اشترى على صوت المدافع وبيع على صوت الموسيقى ومفيش مدافع اشد من كده انا داخل بكره شارى !!!
    طب احنا بقه بنقول ايييييييه؟؟ بصوا عالشارت كده وقولوا هو عايز يقول ايه ؟؟
    اقتباس المشاركة الأصلية كتبت بواسطة أبوزياد (التونسى) مشاهدة المشاركة
    السهم النهاردة كسر الحد السفلى واعطى اشارة خروج ومستهدف 3.8
    وتظل النقاط 4.32 و4.18 و4.06 مناطق ارتداد محتملة لتريدات سريعة داخل اتجاه هابط قصير الاجل ولا ارى اقوى من النقطة 3.8 لتصلح كمنطقة شراء جيدة
    المشاركات اللى فوق ده من يوم 21/10/2010 وبفضل الله قتلنا السهم بحثا زى ما بيقولوا واشرنا الى المثلث ونقطة خروجه فى حينها ومستهدف النموذج بالكامل 3.75 ولكن نظرا لاهمية النقطة 3.8 ركزنا عليها اكثر كمنطقة دعم واعادة شراء من عندها لمن باع عند اشارة الخروج وتريدة عكسية بمكسب 15% تقريبا لمن وثق بالنماذج وتعامل معها باحترافية وموضوعية

    تعالوا مع بعض نشوف الشارت دلوقتى ونشوف الجديد...
    شارت...ورؤية...ونقااااااش (أبوزياد التونسى) نادي خبراء المال

    Uploaded with ImageShack.us

    اجواء...
    على الرغم من ان المستهدفات الهبوطية للنماذج السلبية تصلح كنقاط دخول فى حد ذاتها ولكن يستحسن ان يكون هناك اشارات اخرى مساعدة كشمعة ارتدادية خضراء طويلة الى حد ما مع فتيل سفلى واغلاق عند الحد الاعلى (لاحظ كيف تعامل السهم سابقا مع نفس المنطقة السعرية وشكل الشمعة عندها مما ساعد على الارتداد)
    فتعريض السهم هنا بمثل هذا الشكل اشارة سلبية فقد يكون هناك علم فى اطار التكوين لاستكمال الطريق الهابط ولكن دعنا لا نسبق الاحداث و نتفق اولا ان الدخول هنا لمن اراد سيكون على سبيل التريدة السريعة مع وقف خسارة باغلاق السهم اسفل ال3.8 الى حين ظهور اشارات اخرى قد تدعم الدخول هنا او تلغيه

  6. #176

    افتراضي رد: شارت...ورؤية...ونقااااااش (أبوزياد التونسى)

    اقتباس المشاركة الأصلية كتبت بواسطة أبوزياد (التونسى) مشاهدة المشاركة
    شارت...ورؤية...ونقااااااش (أبوزياد التونسى) نادي خبراء المال

    Uploaded with ImageShack.us

    الاهلى للتنمية والاستثمار
    اقتباس المشاركة الأصلية كتبت بواسطة أبوزياد (التونسى) مشاهدة المشاركة
    الاهلى للتمنية والاستثمار..
    السهم اعطى دخول بعد اختراق مقاومة ال15.75 وبفوليوم كبير
    المفروض ان السهم حاليا فى مرحلة الثروباك لاعادة اختبار منطقة الاختبار مرة اخرى ولكن غير مسموح له بالاغلاق اسفل ال15.75 مرة اخرى والا ساعتبرها وقف خسارة مبكر ونقطة خروج بالنسبة لى واعادة الدخول هاتكون عند الارتداد من الحد السفلى او بالقرب من ال14.6
    شارت...ورؤية...ونقااااااش (أبوزياد التونسى) نادي خبراء المال

    Uploaded with ImageShack.us

    الاهلى للتنمية والاستثمار...

    اقول ايه غير ربنا يبارك للصابرين شارت...ورؤية...ونقااااااش (أبوزياد التونسى) نادي خبراء المال

    مشاركة بتاريخ 18/10/2010 ونوهنا عن السهم واشارة الدخول فى حينها

    ماذا فعل السهم بعدها؟؟ خد الناس معاه و نزل اختبر خط الدعم عند ال15.75 مرتين !!واغلق مرة تحت ال15.75 عشان الناس تفعل وقف خسارتها وفى النهاية اغلق اليوم عند المستهدف بالضبط بالقرب من ال17.6 اللى انا عن نفسى لو جوه السهم هاخرج عنده وبارك الله فيما رزق

    (لاحظ المستهدف حددناه عند جاب سابقة للسهم مشار اليها بالسهم الازرق هاتمثل منطقة مقاومة للسهم )

    واحد يقولى يااااه بقه كل ده واللعب اللى بالاعصاب ده كله عشان 10% مكسب بس !!

    اقوله يا راجل يا طيب انت بتحط فلوسك فى البنك لمدة سنة بحالها عشان فائدة 10% مشكوك فى شرعيتها فما بالك بعمل اجتهدت فيه ودرسته بعلم وتابعته اول باول وعدلت ارقامك وخطوطك وخرجت ودخلت وفى النهاية ربنا رزقك ب10% بعد 3 اسابيع بس يا ترى مين افضل ؟؟

    لاحظ ان السهم اغلق بشمعة واحدة تحت ال15.75 فلو فرضنا ان البعض وقف خسارته هنا وما انتظرش التأكيد فالمفروض انه اعاد الدخول مرة اخرى عند كسر ال16.3لاعلى (هاى شمعة وقف الخسارة بتاعت يوم 1/11) لو ما حدش فاهم الحتة ده يقول واحنا نشرحها بمزيد من التفصيل

  7. #177
    الصورة الرمزية ahmed phen0m

    افتراضي رد: شارت...ورؤية...ونقااااااش (أبوزياد التونسى)

    و الله كنت لسا هسألك علي اخر نقطة واقولك طيب انا واحد سمعت كلامك بالنص وعملت وقف خسارة اول ما اغلق تحت 15.75
    انتا كدا دبست نفسك اتفضل بقي اشرحلي اخر حتة دي بالتفصيل الممل اوي اوي اوي

  8. #178

    افتراضي رد: شارت...ورؤية...ونقااااااش (أبوزياد التونسى)

    اقتباس المشاركة الأصلية كتبت بواسطة أبوزياد (التونسى) مشاهدة المشاركة
    متهيالى يا اخ دمرداشى الاخوة هنا ماسبوش حاجة ارد بيها عليك جزاهم الله كل خير
    يا ايمن باشا الباب بابك اقتحمه زى ما انت عاوزبس بالراحة احسن يتكسر فى ايدك هههههههههه انت عارف انك صديق واخ عزيز من زمان يا ايمن ومش محتاج استئذان بالعكس ياريت دايما كده تزيد الباب توهجا بالنقاش الجميل ده

    عايزين بقه نتفق على حاجة للتوضيح مش اكتر يا جميل وهى بالنسبة لنماذج الهارمونيك بشكل عام اننا مابناخدش منها مستهدفات ولكن نقاط احتمالية مسبقة للبيع او الشراء عندها عند الوصول لها بالفعل
    يبقى بالنسبة للفايف باترن اللى انت اشرت له مشكورا ماينفعش اقول اننا نتوقع وصول المؤشر لنسبة ال162 بناءا على النموذج ده لان ده مش هدف نماذج الهارمونيك ولكن فى حالة وصول المؤشر بالفعل لنسبة ال162 فيبو (على الاقل) ساعتها نقدر ناخد قرار بوضع اوردر بيع مسبق عند تلك النسبة لاحتمالية الارتداد لاسفل حينها واعادة الشراء عند نسبة ال50% (وكمان لازم يكون عندك ادوات فنية اخرى مساعدة تعضد من هذه القرارات)

    على العموم ربنا يسهل الحال وارتفاع الداو يساعد سوقنا على اختراق المنطقة السعرية اللى حنا واقفين فيها دلوقتى لانها صعبة حبتين وهارفع شارت دلوقتى يوضح اهمية المنطقة ده
    تمام ياباشا الله ينور عليك
    اتفق معاك بان نماذج الهارمونيك الهدف منها ترقب مناطق الانعكاس وليس الهدف منها تحديد مستهدفات علشان كده انا قلت بان فى احتماليه لتكون نموذج الفايف باترن وقلت فى المشاركه باننا علشان ناخد النموذج ده فى الاعتبار لابد بان يصل على الاقل لنسبه 161.8% لانه ان تم الهبوط من هذه المنطقه فانه سيصبح احتماليه تكون هذا النموذج بدرجه عاليه جدا لتحديد النقطه D والتى بدورها ستكون منطقه انعكاس صعوديه
    طبعا لا يجوز الاعتماد على نماذج الهارمونيك بشكل منفرد ولكن انا بستخدم معها الانفرجات على المؤشرات وكذلك شكل الشموع طبعا مع متابعه الشاشه للتاكد من احتماليه مناطق الانعكاس

  9. #179

    افتراضي رد: شارت...ورؤية...ونقااااااش (أبوزياد التونسى)

    اقتباس المشاركة الأصلية كتبت بواسطة أبوزياد (التونسى) مشاهدة المشاركة
    شارت...ورؤية...ونقااااااش (أبوزياد التونسى) نادي خبراء المال

    Uploaded with ImageShack.us

    الاهرام للطباعة ...
    شارت معبر عن اسهم المضاربات وخصوصا اسهم الورق

    اللى كان متابع معايا عالفيس بوك نوهنا عن السهم ده اول ما اخترق المثلث وذكرنا مستهدفه حول ال21 فى حينها ...
    الحمد لله السهم حقق مستهدفه وبدأ يتراجع وذكرنا اكثر من مرة
    ان مستهدف النماذج الايجابية نقطة خروج فى حد ذاتها ...حتى اذا لم يظهر عندها اشارة خروج صريحة وحتى ولو السهم كمل صعوده!!

    حاليا السهم كون نموذج وتد هابط (لاحظ ان النقطة الخامسة خارج الحد العلوى ورجع اغلق تحته مرة اخرى ...مكونا فخ بائع للمشترى)
    عارفين بولكفسكى قال ايه وهو بيشرح النموذج ده ...
    اللمسة الثالثة نقطة دخول اذا كانت عند الحد السفلى
    ونقطة خروج اذا كانت عند الحد العلوى ...
    يا ترى اللى كان حاطط اوردر بيع النهاردة مسبق عند الحد العلوى والسهم اخد منه وجرى لفوق احس انه استعجل وغلط ؟؟ ولما السهم نزل تانى واغلق تحت الحد العلوى متهيالى احس ساعتها باحساس حسن شحاتة لما طلع ميدو ونزل مكانه عمرو ذكى ودخل جون بعدها ...انا كنت صح!!! انا كنت صح !!!(طبعا ده لسان حال حسن شحاته ساعتها مش لسان حالى ههههههه)شارت...ورؤية...ونقااااااش (أبوزياد التونسى) نادي خبراء المالشارت...ورؤية...ونقااااااش (أبوزياد التونسى) نادي خبراء المال
    اقتباس المشاركة الأصلية كتبت بواسطة أبوزياد (التونسى) مشاهدة المشاركة
    شارت...ورؤية...ونقااااااش (أبوزياد التونسى) نادي خبراء المال

    Uploaded with ImageShack.us

    الاهرام للطباعة..
    هانراقب السهم بكره عند ال17.5 عمل ارتداد ممكن ندخل فى نفس الجلسة وهاتبقى وقف خسارتنا برده كسر ال17.5 والاغلاق اسفلها (طبعا موضوع تسوية اليومين الاختراع المصرى العجيب ده التحليل الفنى مالوش دعوة بيه فحاول تراعى النقطة ده عند الشراء)
    و لاحظ انا باقول هانرااااااقب السهم عند ال17.5 او قبلها مش شرط عندها بالضبط ونشوف شكل الشمعة هنا والسوق عموما ..لاحظ شكل الشمعتين اللى عند الحد السفلى للوتد الهابط شكل الارتداد كان عندهم ازاى عشان نقارن اداء السهم عند الارتداد بيبقى شكله ازاى

    شارت...ورؤية...ونقااااااش (أبوزياد التونسى) نادي خبراء المال

    Uploaded with ImageShack.us

    الاهرام للطباعة...

    السهم ده بفضل الله اخدناه رايح جاى زى ما بيقولوا على الرغم انى شخصيا مش داخل السهم

    اول حاجة نوهنا عن اشارة الدخول لما كسر المثلث وقولنا مستهدفنا 21 واكتفينا بيها وخرجنا عندها
    تانى مرة نوهنا عن اشارة الخروج الاخرى عند اللمسة التالتة للوتد الهابط (بتاعة حسن شحاتة لو فاكرنها )
    المرة التالتة نوهنا اننا نراقب السهم عند نزوله للحد السفلى للوتد عند ال17.5 ولو شوفنا مظاهر ارتداد عندها ندخل وقد كان يوم 28/10 السهم عملنا شمعة كويسة وعملت لو عند ال17.41 وردت واغلقت بالقرب من ال18

    والان ....شمعة اختراق للوتد ثم اعادة اغلاق اسفل الحد العلوى مرة اخرى زى المرة اللى فاتت بالضبط بس المرة ده انا مش هاخرج عليها نظرا لوجود فوليوم كبير الى حد ما مصاحب ليها واعلى من الشمعة السابقة وهانتظر شمعة بكره لو سوداء يبقى هاخرج واتابع من بره ...لوخضراء مصاحب بفوليوم اكبر من او مساوى للنهاردةعلى الاقل يبقى الاقرب احتفاظ واختراق الوتد لاعلى ومستهدف 21 مرة اخرى

    وفى النهاية خالص وفى كل الحالات وقف الخسارة الاغلاق تحت ال17.5


  10. #180
    الصورة الرمزية احمد حسين

    افتراضي رد: شارت...ورؤية...ونقااااااش (أبوزياد التونسى)

    ايه رايك ياابو زياد مش نموذج الوتد يصلح علم برضه

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. سهم ثمار ورؤية فنية
    بواسطة alhazazi1407@hotmail.com في المنتدى نادي خـبـراء سـوق الـمـال السـعودي Saudi Stock Experts Club
    مشاركات: 3
    آخر مشاركة: 27-02-2016, 07:31 PM
  2. الذهب ورؤية جميلة !!!!!!!!!!!!!!!
    بواسطة غمدان محمد في المنتدى نادي خـبـراء الـبـورصه العالمية
    مشاركات: 3
    آخر مشاركة: 14-01-2013, 07:26 PM
  3. من جواهر الفن التونسي : الطير يغني (تنفع مع النسب تحت)
    بواسطة stormygold في المنتدى نادي خـبـراء سـوق الـمـال السـعودي Saudi Stock Experts Club
    مشاركات: 6
    آخر مشاركة: 25-03-2008, 10:43 AM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

يعد " نادى خبراء المال" واحدا من أكبر وأفضل المواقع العربية والعالمية التى تقدم خدمات التدريب الرائدة فى مجال الإستثمار فى الأسواق المالية ابتداء من عملية التعريف بأسواق المال والتدريب على آلية العمل بها ومرورا بالتعريف بمزايا ومخاطر التداول فى كل قطاع من هذه الأسواق إلى تعليم مهارات التداول وإكساب المستثمرين الخبرات وتسليحهم بالأدوات والمعارف اللازمة للحد من المخاطر وتوضيح طرق بناء المحفظة الاستثمارية وفقا لأسس علمية وباستخدام الطرق التعليمية الحديثة في تدريب وتأهيل العاملين في قطاع المال والأعمال .

الدعم الفني المباشر
دورات تدريبية
اتصل بنا