استراتيجيات المضاربة وفن إتقانها باستخدام المتاجرة السعرية الزمنية

إعلانات تجارية اعلن معنا

صفحة 24 من 29 الأولىالأولى ... 14151617181920212223242526272829 الأخيرةالأخيرة
النتائج 231 إلى 240 من 289

الموضوع: شارت...ورؤية...ونقااااااش (أبوزياد التونسى)

  1. #231

    افتراضي رد: شارت...ورؤية...ونقااااااش (أبوزياد التونسى)

    كفاية كده النهاردة

    شارتات تقعدوا عليها للاسبوع اللى جاى

    تصبحوا على خير وجلسة موفقة للجميع باذن الله

  2. #232
    الصورة الرمزية ahmed phen0m

    افتراضي رد: شارت...ورؤية...ونقااااااش (أبوزياد التونسى)

    الف شكر علي الشارتات و علي الشرح الجميل والسهل اللي دايما بتعلم منه
    معلش انا كنت عايز اتناقش معاك شوية في نموذج المثلث الصاعد اللي موجود في سهم اي سي عشان انا لسا قاري عنه في كتاب جون ميرفي و سامع الشرح بتاعه من استاذ أيمن علي صديقي العزيز ضمن شرحه لكتب شهادة الcft

    دولقتي الكتاب ذاكر بعض الشروط للنموذج و انا هاحول اطبقها هنا
    اول شرط ان النموذج يكون مدته علي الاقل شهر و دي متحققة
    تاني شرط ان يكون قبليه اتجاه صاعد( غير موجودة)
    ثالت شرط ان الفوليوم يقل اثناء تكون النموذج (غير موجود)
    رابعا: هذا النموذج غالبا استمرار ولاكن قد يكون عاكس و لا يمكن اتلأكد غير بكسر حقيقي لاحد ضلعي المثلث لاكن يمكن التنبئ باتجاه الكسر بناء علي فوليوم املوجات داخل المثلث يعني لو فوليوم موجات الصعود اعلي من فوليوم موجات الهبوط يبقي غالبا هيكسر لفوق والعكس صحيح
    اعتقد دخال هذا النموذج الا حد ما الفولويم فالموجات الصاعدة اعلي نسبيا من فولويم الموجات الهابطة

    يبقي ممكن مما سبق اننا نتوقع ان غالبا المثلث هيكون عاكس للاتجاه و طبعا في انتظار كسر السعر لأحد حدي المثلث للتأكيد

    انا بفكر صح ولا كلامي غلط؟

  3. #233

    افتراضي رد: شارت...ورؤية...ونقااااااش (أبوزياد التونسى)

    اقتباس المشاركة الأصلية كتبت بواسطة phen0m مشاهدة المشاركة
    الف شكر علي الشارتات و علي الشرح الجميل والسهل اللي دايما بتعلم منه
    معلش انا كنت عايز اتناقش معاك شوية في نموذج المثلث الصاعد اللي موجود في سهم اي سي عشان انا لسا قاري عنه في كتاب جون ميرفي و سامع الشرح بتاعه من استاذ أيمن علي صديقي العزيز ضمن شرحه لكتب شهادة الcft

    دولقتي الكتاب ذاكر بعض الشروط للنموذج و انا هاحول اطبقها هنا
    اول شرط ان النموذج يكون مدته علي الاقل شهر و دي متحققة
    تاني شرط ان يكون قبليه اتجاه صاعد( غير موجودة)
    ثالت شرط ان الفوليوم يقل اثناء تكون النموذج (غير موجود)
    رابعا: هذا النموذج غالبا استمرار ولاكن قد يكون عاكس و لا يمكن اتلأكد غير بكسر حقيقي لاحد ضلعي المثلث لاكن يمكن التنبئ باتجاه الكسر بناء علي فوليوم املوجات داخل المثلث يعني لو فوليوم موجات الصعود اعلي من فوليوم موجات الهبوط يبقي غالبا هيكسر لفوق والعكس صحيح
    اعتقد دخال هذا النموذج الا حد ما الفولويم فالموجات الصاعدة اعلي نسبيا من فولويم الموجات الهابطة

    يبقي ممكن مما سبق اننا نتوقع ان غالبا المثلث هيكون عاكس للاتجاه و طبعا في انتظار كسر السعر لأحد حدي المثلث للتأكيد

    انا بفكر صح ولا كلامي غلط؟
    بص يا باشا عايزين نتفق على حاجة عشان الاشكالية ده هاتتكرر كتير واللى متابعينى من زمان عارفين الكلام ده
    انا شغلى فى النماذج باعتمد فيه على موسوعة بولكوفسكى للنماذج كمرجع اساسى ليا على الرغم من المامى لشروط وشروح جون ميرفى حول النماذج ومع ذلك مازلت معتقد تماما من وجهة نظرى الشخصية التى قد يختلف معها البعض ان بولكوفسكى افضل كثيرا واكثر تحديدا ودقة من جون ميرفى عند شرحه للنماذج والاسباب هنا تطول ليس المجال الان لشرحها...

    نيجى بقه لشروط المثلث الصاعد عند بولكوفسكى

    اول حاجة انه لا يشترط وجود اتجاه معين قبل تكون المثلث وعشان برده ما نظلمش جون ميرفى فهو لم يشترط وجود اتجاه صاعد قبل تكونه زى ما حضرتك اشرت ولكن عشان نكون اكثر دقة فهو قال غااااالبا ما ياتى قبل تكونه اتجاه صاعد يعنى لم يستبعد احتمال ان ياتى قبله اتجاه اخر

    اما بالنسبة لشرط الفوليوم بولكوفسكى قال ان 77% من الحالات ياتى الفوليوم متناقصا وبرده مش شرط اساسى للنموذج (وعشان تريح نفسك شرط الفوليوم مش شرط اساسى فى معظم النماذج باستثناء نموذج العلم ولكنه شرط يقوى او يضعف النموذج فنيا ولا يلغيه) ومع ذلك الفوليوم فى ايه اى سى متناقص (تابع الفوليوم عند قمم المثلث)

    الحد الادنى للفترة الزمنية عند بولكوفسكى ثلاث اسابيع للمثلثات بجميع انواعها واقل من كده غالبا بيبقى علم

    بولكوفسكى يتجنب بشكل غير مباشر تصنيف النماذج على انها استمرارية او عاكسة واهتمامه منصب على تحديد نسب مئوية لكل نموذج بناءا على احصائيات لمئات والاف الشارتات بحيث يعطى لنا نسب الاختراق لاعلى او الكسر لاسفل ونسبة نجاح كل نموذج من فشله فى جميع الاتجاهات ونسب معينة لتحقيق المستهدفات حتى الثروباك والبولباك لم يتركها بدون نسب مئوية وبالنسبة للمثلث الصاعد فالنسبة الاكبر لصالح الاختراق لاعلى ومع ذلك لا دخول الا بعد الكونفورميشن وهو اختراق قمة المثلث

    اما بقه لو حضرتك بتسال عشان عايز تذاكر امتحان الcft او غيره من الشهادات المعتمدة فانسى بولكوفسكى خالص واحفظ كلام جون ميرفى وادخل رصهم فى الامتحان وابقى اسال اخونا حسام فى الموضوع ده

  4. #234

    افتراضي رد: شارت...ورؤية...ونقااااااش (أبوزياد التونسى)

    هههههههههههههههههههههههههه
    كنت لسة هرد ع الراجل لقيتك ذاكرني في اخر ردك
    موافقك جدا يا ابو زياد

    ونقول لاخونا phen0m ولغيره اللي بيذاكروا عشان الشهادة

    للأسف جون ميرفي عندهم في الغرب هو "
    إله التحليل الفني " شارت...ورؤية...ونقااااااش (أبوزياد التونسى) نادي خبراء المال
    في الامتحان جاوب زي ما الكتب المقررة بتقول عشان تنجح

    لكن عمليا بولكويسكي افضل بكثير طبعا في النماذج من جون ميرفي
    وكمان لو بتذاكر عشان الشهادة لازم تعرف ان اللي في الكتب حاجة وطريقة الاسئلة اللي هتجيلك حاجة تانية
    ممكن تقول ان ثلث الامتحان هيكون مباشر لكن الباقي هيكون بشكل غير مباشر - راجع امتحانين ال cmt الموجودين ع الشير - بس خللي بالك عشان فيهم حاجات ملغية علي cft

    عموما خلص بس المذاكرة و الكتب ولو احتجت شيء العبد لله موجود باذن الله

    ولا تنساني من صالح دعائك بظهر الغيب


  5. #235

    افتراضي رد: شارت...ورؤية...ونقااااااش (أبوزياد التونسى)

    نسيت اقول اني سألت نفس سؤال الاخ phen0m تقريبا من 3 سنين لما كنت بذاكر CFT ساعتها
    الظاهر ان التاريخ يعيد نفسه في سيكولوجي الناس في الخوف والطمع ، وعند النقاش مع ابو زياد في النماذج كمان شارت...ورؤية...ونقااااااش (أبوزياد التونسى) نادي خبراء المال

  6. #236

    افتراضي رد: شارت...ورؤية...ونقااااااش (أبوزياد التونسى)

    اقتباس المشاركة الأصلية كتبت بواسطة houssam_investor مشاهدة المشاركة
    هههههههههههههههههههههههههه
    كنت لسة هرد ع الراجل لقيتك ذاكرني في اخر ردك
    موافقك جدا يا ابو زياد

    ونقول لاخونا phen0m ولغيره اللي بيذاكروا عشان الشهادة

    للأسف جون ميرفي عندهم في الغرب هو "
    إله التحليل الفني " شارت...ورؤية...ونقااااااش (أبوزياد التونسى) نادي خبراء المال
    في الامتحان جاوب زي ما الكتب المقررة بتقول عشان تنجح

    لكن عمليا بولكويسكي افضل بكثير طبعا في النماذج من جون ميرفي
    وكمان لو بتذاكر عشان الشهادة لازم تعرف ان اللي في الكتب حاجة وطريقة الاسئلة اللي هتجيلك حاجة تانية
    ممكن تقول ان ثلث الامتحان هيكون مباشر لكن الباقي هيكون بشكل غير مباشر - راجع امتحانين ال cmt الموجودين ع الشير - بس خللي بالك عشان فيهم حاجات ملغية علي cft

    عموما خلص بس المذاكرة و الكتب ولو احتجت شيء العبد لله موجود باذن الله

    ولا تنساني من صالح دعائك بظهر الغيب

    طب الحمد لله اهو الراجل موجود ورد عليك
    ربنا يفتح عليك يا حسام ويزيدك من علمه

  7. #237

    افتراضي رد: شارت...ورؤية...ونقااااااش (أبوزياد التونسى)

    اقتباس المشاركة الأصلية كتبت بواسطة أبوزياد (التونسى) مشاهدة المشاركة
    طب الحمد لله اهو الراجل موجود ورد عليك
    ربنا يفتح عليك يا حسام ويزيدك من علمه
    امين ولك مثله ياااااااااااااااااارب

  8. #238
    الصورة الرمزية ahmed phen0m

    افتراضي رد: شارت...ورؤية...ونقااااااش (أبوزياد التونسى)

    انا مش عارف ليه حاسس انك يا استاذ أبو زياد اضايقت من كلامي
    انا مقصدتش اقول ان المثلث اللي انتا راسمه غلط انا بس كنت لسا قارئ شروطه في كتاب جون ميرفي و مكنتش فاكر ان فيه اختلاف كبير كدا بين جون ميرفي و بولكوفسكي و انا قلت دي فرصة تعليمية حلوة علي نموذج انا متأكد انه سليم لأانك اكيد مش هتحط نموذج مش مظبوط
    و انا متفق معاك طبعا ان موسوعة بولكوفسكي هى الاساس و انا ان شاء الله ناوي اقرأها بس واحدة واحدة
    يعنى انا دلوقتي بقرأ كتاب شهادة الcft و بسمع شرحها من المحاضرات اللي علي شير المهندس محمد سعيد اللي الاستاذ أيمن علي بيشرحها و ان شاء الله لما اخلص الكتب دي هادخل علي موسوعة النماذج مع العلم اني طبعتها بس مش عايز ابدأ فيها غير لما اكون عندي خلفية عن كل اساسيات التحليل الفني

    انا طبعا مش هادخل امتحان ولا حاجة لأن انا مش هاشتغل محلل فني انا بس عايز اخد العلم اللي فالكتب دي عشان اولا الواحد يحترف التحليل الفني ان شاء الله عشان يبقي معانا سلاح نستعين بيه علي الاسواق الغدارة لأن مش معقول الواحد هيفضل طول عمره ياخد توصيات من الاخوة الافاضل لازم يعتمد علي نفسه

    بالنسبة للاستاذ حسام فشكرا يا باشا علي رغبتك فالمساعدة و ان شاء الله هادعيلك في كل صلاوتي
    و علي فكرة انا قلت اكيد الماتحان مش هيجي كل مباشر من اللي فى الكتاب لأن الكلام اللي فى الكتاب انا حاسه سهل فأكيد لازم شوية كلاكيع
    شكرا يا ابو زياد و ياريت متكنش زعلت من سؤالي و شكرا يا حسام باشا علي المساعده

  9. #239

    افتراضي رد: شارت...ورؤية...ونقااااااش (أبوزياد التونسى)

    اقتباس المشاركة الأصلية كتبت بواسطة phen0m مشاهدة المشاركة
    انا مش عارف ليه حاسس انك يا استاذ أبو زياد اضايقت من كلامي
    انا مقصدتش اقول ان المثلث اللي انتا راسمه غلط انا بس كنت لسا قارئ شروطه في كتاب جون ميرفي و مكنتش فاكر ان فيه اختلاف كبير كدا بين جون ميرفي و بولكوفسكي و انا قلت دي فرصة تعليمية حلوة علي نموذج انا متأكد انه سليم لأانك اكيد مش هتحط نموذج مش مظبوط
    و انا متفق معاك طبعا ان موسوعة بولكوفسكي هى الاساس و انا ان شاء الله ناوي اقرأها بس واحدة واحدة
    يعنى انا دلوقتي بقرأ كتاب شهادة الcft و بسمع شرحها من المحاضرات اللي علي شير المهندس محمد سعيد اللي الاستاذ أيمن علي بيشرحها و ان شاء الله لما اخلص الكتب دي هادخل علي موسوعة النماذج مع العلم اني طبعتها بس مش عايز ابدأ فيها غير لما اكون عندي خلفية عن كل اساسيات التحليل الفني

    انا طبعا مش هادخل امتحان ولا حاجة لأن انا مش هاشتغل محلل فني انا بس عايز اخد العلم اللي فالكتب دي عشان اولا الواحد يحترف التحليل الفني ان شاء الله عشان يبقي معانا سلاح نستعين بيه علي الاسواق الغدارة لأن مش معقول الواحد هيفضل طول عمره ياخد توصيات من الاخوة الافاضل لازم يعتمد علي نفسه

    بالنسبة للاستاذ حسام فشكرا يا باشا علي رغبتك فالمساعدة و ان شاء الله هادعيلك في كل صلاوتي
    و علي فكرة انا قلت اكيد الماتحان مش هيجي كل مباشر من اللي فى الكتاب لأن الكلام اللي فى الكتاب انا حاسه سهل فأكيد لازم شوية كلاكيع
    شكرا يا ابو زياد و ياريت متكنش زعلت من سؤالي و شكرا يا حسام باشا علي المساعده
    ابدا يا اخى الكريم والله ما زعلتش من كلامك ولا من مناقشاتك وانت لسه ما عرفتنيش
    انا تقريبا اخر واحد ممكن يزعل من نقاش هادف سواء بهدف التعلم او ابداء وجهة نظر اخرى او حتى التصويب ولو كان فى خطأ ما عنديش اى مشكلة فى الاعتذار عنه لانى والحمد لله ولا بابحث عن شهرة ولا اسم ولا احتراف فى المجال ومن ثم مش هاكسف من الاخطاء ومازلت حتى الان باتعلم كل يوم الجديد

    كل ما هنالك ان موضوع النقاش قديم وقتل بحثا وتدقيقا ومازال الافراد مختلفين حوله ولكلا وجهة نظره المختلفة

    انا اسف اذا كنت حسيت فى كلامى بعض الحدة فانا اكيد ما اقصدش ده ابدا واشكرك على اجتهادك ومثابرتك فى التعلم وما تترددش فى عرض اى استفسار او سؤال فى الباب ومادامت الاجابة معى مش هاتاخر عليك باذن الله

  10. #240
    الصورة الرمزية ahmed phen0m

    افتراضي رد: شارت...ورؤية...ونقااااااش (أبوزياد التونسى)

    هوا ده العشم برده يا باشا
    و الف شكر علي النفاش الممتع و المفيد

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. سهم ثمار ورؤية فنية
    بواسطة alhazazi1407@hotmail.com في المنتدى نادي خـبـراء سـوق الـمـال السـعودي Saudi Stock Experts Club
    مشاركات: 3
    آخر مشاركة: 27-02-2016, 07:31 PM
  2. الذهب ورؤية جميلة !!!!!!!!!!!!!!!
    بواسطة غمدان محمد في المنتدى نادي خـبـراء الـبـورصه العالمية
    مشاركات: 3
    آخر مشاركة: 14-01-2013, 07:26 PM
  3. من جواهر الفن التونسي : الطير يغني (تنفع مع النسب تحت)
    بواسطة stormygold في المنتدى نادي خـبـراء سـوق الـمـال السـعودي Saudi Stock Experts Club
    مشاركات: 6
    آخر مشاركة: 25-03-2008, 10:43 AM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

يعد " نادى خبراء المال" واحدا من أكبر وأفضل المواقع العربية والعالمية التى تقدم خدمات التدريب الرائدة فى مجال الإستثمار فى الأسواق المالية ابتداء من عملية التعريف بأسواق المال والتدريب على آلية العمل بها ومرورا بالتعريف بمزايا ومخاطر التداول فى كل قطاع من هذه الأسواق إلى تعليم مهارات التداول وإكساب المستثمرين الخبرات وتسليحهم بالأدوات والمعارف اللازمة للحد من المخاطر وتوضيح طرق بناء المحفظة الاستثمارية وفقا لأسس علمية وباستخدام الطرق التعليمية الحديثة في تدريب وتأهيل العاملين في قطاع المال والأعمال .

الدعم الفني المباشر
دورات تدريبية
اتصل بنا