الموضوع: (((وجهة نظر فنية عن السوق والأسهم)))

تعالوا ننظر الى الساحر و اشاراته و قرارته الشرائية و البيعية و تحولاته فى هذا المثال غندورة الشاشة المصرية ( تليكوم ) .

بداية فاللون الخضر الفسفورى هو الموفينج 5 اكسبو و الاحمر هو الموفينج 9 اكسبو و الازرق هو 20 بسيط ( الخط الاوسط للبولينجر ) .

اول اشارة كانت بتاريخ 25-7-2010 ( دخول )

و هى عند يتقاطع الموفينج الاصغر مع الاكبر و هى اشارة المضارب السريع و يدعمها اختراق الشموع للخط الازرق .

ثانى اشارتنا كانت بتاريخ 3-8-2010

و هى محاولة السهم اختراق الموفينج 50 اكسبو( الخط الابيض) و لثلاث ايام على التوالى فشل فى اختراق لذا وجب البيع لوجود مقاومة حقيقية . و هنا يجب ان تكون أعيننا على الدعم التالى المتمثل فى الخط الازرق ( البولينجر و هو متوسط 20 بسيط ) .

ثالث اشارتنا كانت بتاريخ 12-8 -2010

و بالفعل نجح الخط الازرق فى ايقاف القوى البيعية و هنا عينا يجب ان تكون على الخط الابيض هى سيتم اختراقه ليقف فيما بعد كحائط الدعم فيما بعد اما نعتبرها تريده و السلام ؟

و بالفعل وقف الخط الابيض لمدة تزيد عن الشهر دعما هاما للسهم فى ظل احداث ملتهبة بين الجزائر و ادارة الشركة .

والان يتبقى امامنا الخط الاخضر الذى سيكون مقاومة هامة .
و هو ما حدث بالفعل فى 7-10-2010
اشارة 14-10 -2010 .

جاءت لتحسم الموقف و تعطى اشارة خروج لكافة المستثمرين فى الورقة .

قصير - متوسط .


و دلوقتى ايه رأيكم فى الساحر ؟؟؟

تم تثبيت الباب

لأهميته وإحتوائه على نخبة من المحللين

بالتوفيق للجميع

المشاركة الأصلية كتبت بواسطة emadhabola

هذه مرحله حقيقية مررنا بها جميعا . و الشاطر اللى بيحاول انه يختصر عمر هذه المرحله قدر الامكان .

تشريفك للباب شئ أعتز به كثيراً والباب كما ذكرت مش بابي لوحدي ومنتظر تحليلاتك يا بطل

يا باشا باشكرك على الثقة الغالية دى و ربنا يعينا و نكون على قدرها .

ما شاء الله على الشرح الجميل والبسيط ، الموفينج فعلاً من أهم الأدوات المضاربية في أسواق المال

وبالطبع الشرح كان نقطة في بحر علم يحمله الأستاذ عماد ، وأدعوه أن يستمر في تلك المشاركات الهامة لنا كلنا

المشاركة الأصلية كتبت بواسطة إبراهيم حسين

تم تثبيت الباب

لأهميته وإحتوائه على نخبة من المحللين

بالتوفيق للجميع

نمشيها تثبيت عشان خاطرك يا صاحبي

المشاركة الأصلية كتبت بواسطة A_Aziz

ليس هناك تعبير يوصف به كسر السهم للقناة الهابطة على المدى المتوسط والقناة الصاعدة على المدى القريب لأعلى

أجمل من إنه حالة ولادة جديدة للسهم الذي تخلص من كل ما يثقل كاهله من قنوات وخطوط إتجاه ليبدأ مرحلة جديدة

المستهدفات نستطيع أن نخوض فيها بأرقام بعيدة جداً تقترن بأدوات فنية سليمة ولكني أرجح أن نسير خطوة بخطوة

ولذلك فإن قمة القناة الهابطة نجدها مستهدفاً في حد ذاته على نموذج بامب أند ران يستهدفها بكسر 9.50 جنيه

إيقاف الخسائر بالإغلاق يومين أسفل الدعم القريب 8.90 جنيه والمقاومة القريبة للسهم حاليا نجدها عند 9.50 جنيه

والله أعلى وأعلم

بلدياتنا غرق في القناة

بلدياتنا شاف تحليل سهم القناة إمبارح وقعد يراقب الشاشة وعينه على السهم ومركز معاه عالأخر وعينيه بتطق شرار

وقعد يتفرج على السهم وهو شغال 9.40 - 9.45 - 9.50 - 9.55 - 9.60 وهوب قام طالب شراء السهم ماركت

قام واخد ب 9.68 وفرح أوي وعينك متشوف إلا النور والسهم بدأ ينزل بهدوء 9.60 - 9.55 - 9.50 - 9.40 - 9.25

والجلسة خلصت والسهم قرب أقل سعر وقام بلدياتنا وعمال يكلم نفسه وحاسس انه نحس السهم كله لما اشترى ودخله

بلدياتنا ده وقع في في أكتر من خطأ لو حد يعرف الأخطاء دي يقولنا عليها عشان ننقذه من الغرق في القناة !!!!!!!!

بجد اسلوبك مشوق جدا فالكلام لاكن للاسف انا مش عارف ازاي انقذ بلديتنا من الغرق فعشان كدا هستني حد بيعرف يعوم اصدي بيعرف يحلل يجي ينقذه

مبدئيا بلدياتنا ده غلط فى اكثر من خطأ :-


- الاول : ما جاش يشوف الشارت بتاعك و يشوف الروعة فى تحليل الموقف .

( فروعة و جمال شارت المحلل يكمن فى تحليل الصورة بدقه .)

- الثانى : فى عندنا قناتين اتكسروا مرة واحدة وده فى نفس واحد . ( الاولى الهابطة و الثانية الصاعدة ) و بالطبع لابد من هدنة مع مؤشرات السهم و تبريدها . و هذا بالطبع يعنى اختبار احد حدود هاتين العلوى .

فكان لازم يشوف السهم حا يرتد من فين ؟؟؟
الحد العلوى للقناة الهابطة و لا الحد العلوى للقناة الصاعدة .

المشاركة الأصلية كتبت بواسطة phen0m

بجد اسلوبك مشوق جدا فالكلام لاكن للاسف انا مش عارف ازاي انقذ بلديتنا من الغرق فعشان كدا هستني حد بيعرف يعوم اصدي بيعرف يحلل يجي ينقذه

يا أستاذنا أنا شوفتلك شارتات جميلة ، ربنا يقويك ويزيدك علماً وخلقاً

المشاركة الأصلية كتبت بواسطة emadhabola

مبدئيا بلدياتنا ده غلط فى اكثر من خطأ :-


- الاول : ما جاش يشوف الشارت بتاعك و يشوف الروعة فى تحليل الموقف .

( فروعة و جمال شارت المحلل يكمن فى تحليل الصورة بدقه .)

- الثانى : فى عندنا قناتين اتكسروا مرة واحدة وده فى نفس واحد . ( الاولى الهابطة و الثانية الصاعدة ) و بالطبع لابد من هدنة مع مؤشرات السهم و تبريدها . و هذا بالطبع يعنى اختبار احد حدود هاتين العلوى .

فكان لازم يشوف السهم حا يرتد من فين ؟؟؟
الحد العلوى للقناة الهابطة و لا الحد العلوى للقناة الصاعدة .

الله ينور حضرتك ذكرت نقطة مهمة وهي الدخول للشراء عند الدعم وكان واضحاً عند 8.90

وكده فاضل كذا خطأ هوضحهم الأن

في التحليل مكتوب الوصول لقمة القناة السابقة بعد كسر 9.50 والكسر مش معناه الصعود فوقها فقط

الكسر معناه حجم تداول مرتفع مع إغلاقين فوق المقاومة المذكورة واليوم لم نشهد حجم تداول عالى حتى

وكمان بلدياتنا اشترى ماركت وكان تحت تأثير جري السهم على الشاشة وعلشان كده أخد أسوأ سعر اليوم

وهنا لابد أوضح نقطة هامة المقاومة (هنا 9.50) لا تصبح دعم يمكن الشراء عنده إلا بالكسر بإغلاقين فوقها

أحب أوضح نقطة كمان إن شمعة اليوم إيجابية لأنها كونت هاي جديد وفوليوم ضعيف يضعف سلبيتها

انا لسا يا باشا بتعلم اتلحليل الفني و في اول الطريق
بس بجد انا مبسوط جدا ان الشارتات اللي اان برسمها عجيت حضرتك و ان شاء الله الفترة اللي جاية هنزل شارتات تانية كتير و هنتظر من حضرتك التعليق عليها
و ياريت حضرتك تكمل موضوعك بنفس الاسلوب يعني حضرتك تستمر باسلوب القصة يعين تنزل شارت و احنا نحاول نطلع الاخطاء عشان كل نستفيد

المشاركة الأصلية كتبت بواسطة phen0m

انا لسا يا باشا بتعلم اتلحليل الفني و في اول الطريق
بس بجد انا مبسوط جدا ان الشارتات اللي اان برسمها عجيت حضرتك و ان شاء الله الفترة اللي جاية هنزل شارتات تانية كتير و هنتظر من حضرتك التعليق عليها
و ياريت حضرتك تكمل موضوعك بنفس الاسلوب يعني حضرتك تستمر باسلوب القصة يعين تنزل شارت و احنا نحاول نطلع الاخطاء عشان كل نستفيد

بإذن الله بين فترة والأخرى عند وجود مناسبة هحط سؤال بقصة بنفس الاسلوب

وطبعاً يشرفني التعقيب على شارتاتك أو أن تضع شارتاتك في الباب هنا

شاكر لك متابعتك الجيدة