البرنامج التأهيلي للحصول على شهاده محلل مالى معتمد دوليا ( CFA )

إعلانات تجارية اعلن معنا

صفحة 5 من 14 الأولىالأولى 1234567891011121314 الأخيرةالأخيرة
النتائج 41 إلى 50 من 134

الموضوع: (((وجهة نظر فنية عن السوق والأسهم)))

  1. #41

    افتراضي رد: (((وجهة نظر فنية عن السوق والأسهم)))

    اقتباس المشاركة الأصلية كتبت بواسطة emadhabola مشاهدة المشاركة
    الله ينور يا هندسة .

    بس حابب اوضح نقطة فى منتهى الاهمية ان الاسعار دى الاسعار الرسمية و هى بالطبع لا تعكس اسعار السوق السودة .

    يعنى ايه ؟؟

    يعنى قمة الدولار ما كانتش 6 جنيه قمة الدولار فى البنك فعلا كانت 6 جنيه و ده كان للمستندات الاعتمادية - الحج - العمرة و طبعا كان بالباسور . للى فاكر الكلام ده .
    و طبعا كانت قمة الدولار مابين 7.5 الى 8 جنيه تقريبا فى السوق السودة .


    واحد يسألنى و انت يا عم عماد بتلف و تدور على ايه ؟؟؟

    اقول لك اصبر على رزقك . انت عاوز تدخل المغارة و تلم تاخد نصيبك كده على السريع من غير ما تلم بكافة الاحداث صح و تفهم الدنيا ماشية ازاى ؟؟

    اللى بيحصل و المضاربة على الدولار و اللى حا تحصل اليومين الجايين و باذن الله لازم حيتان البورصة يستغلوها صح .
    طب ازاى ؟؟

    طبعا بالمضاربة على الاسهم الدولارية .(((وجهة نظر فنية عن السوق والأسهم))) نادي خبراء المال(((وجهة نظر فنية عن السوق والأسهم))) نادي خبراء المال
    الله ينور عليك يا عمدة ، وطالما قلت الاسهم الدولارية ياريت تنقي سهمين وتقولنا رأيك فيهم

    اقتباس المشاركة الأصلية كتبت بواسطة احمد حسين مشاهدة المشاركة
    الله
    بجد بموت فى التحليل غير المباشر بتفكرنى بصديق لينا اسمه احمد ثابت هو فين صحيح يازيزو (((وجهة نظر فنية عن السوق والأسهم))) نادي خبراء المال
    والله يا أبو حميد مختفي بقاله كتير أوي

  2. #42

    افتراضي رد: (((وجهة نظر فنية عن السوق والأسهم)))

    اقتباس المشاركة الأصلية كتبت بواسطة احمد حسين مشاهدة المشاركة
    الله
    بجد بموت فى التحليل غير المباشر بتفكرنى بصديق لينا اسمه احمد ثابت هو فين صحيح يازيزو (((وجهة نظر فنية عن السوق والأسهم))) نادي خبراء المال
    يا باشا هو انا فين و احمد ثابت ثابت فين ؟؟؟؟
    يا دوب انا لسه باقول يا هادى


    [QUOTE=A_Aziz;580084]
    الله ينور عليك يا عمدة ، وطالما قلت الاسهم الدولارية ياريت تنقي سهمين وتقولنا رأيك فيهم


    و هل يفتى و مالك فى المدينة .

    بلاش ترشيح لأن أانا معايا اسهم دولارية وعشان ما ابقاش منحاز بس خلونا نتابعها الايام القادمة

  3. #43

    افتراضي رد: (((وجهة نظر فنية عن السوق والأسهم)))

    رائع رائع رائع
    دمج الفنى والأساسى بطريقة ساحرة

    بارك الله فيكم

  4. #44

    افتراضي رد: (((وجهة نظر فنية عن السوق والأسهم)))

    اقتباس المشاركة الأصلية كتبت بواسطة ترند مشاهدة المشاركة
    رائع رائع رائع
    دمج الفنى والأساسى بطريقة ساحرة

    بارك الله فيكم

    الف شكر على المرور و المتابعة و اسمح لى بتوضيح امر هام و استراتيجية هامه لمن يبحث عن النجاح و الاستمرار فى البورصة و عدم الشكوى من غدرها .

    اولا لازم تعرف يعنى ايه بورصة ؟؟؟

    اولا البورصة هى المكان الذى يتقابل فى البائعين و المشترين لبيع و شراء ماذا ؟؟
    انها حصص فى شركات .
    فالاسهم هى عبارة عن حصة فى شركة . و سعر السهم يمثل قيمة تلك الحصة .

    طيب تخيل لو انت طلعت فلوسك النهارده من البورصة ورايح تشترى مصنع كده على قدك .
    يا ترى الراجل صاحب المصنع لو قال لك عاوز 5 مليون مثلا حا توافق على طول و لا حا تدرس ظروف المصنع و تقيمه و تقيم اصوله و كل ما يتعلق بالصفقة .
    و بعدين تتخذ القرار بالموافقة من عدمها .

    هو ده اللى المفروض اننا بنعمله فى البورصة .
    بس عشان انا غلبان و مش معاى 5 مليون حا اروح اشترى حصة ب 1000 جنيه على قدى و طبعا لما اقتنع ان ال5 مليون قيمة عادلة .

    بس فى واحد شاطر و احسن منى عارفين بيعمل ايه ؟؟
    بينتظر و يشترى حصته بما يعادل اقل من 5 مليون و بيستخدم ادوات فى التنبؤ بيسميها التحليل الفنى و بيكون عارف ان السهم طالع لفوق ثانى .

    و هنا عاوزين نقول حاجة ان الاولانى استخدم التحليل الاساسى و التانى استخدم المزيج ما بين الاثنين .


    و فى واحد ثالث مش شاغل باله بالكلام ده خالص و مسمى نفسه الاخ مضارب و ده شغال على الاتجاه و التحليل و بس .
    و شغال بالتحليل الفنى و لما يلاقى حاجة بتطلع حا يشتغل معاها و بيكون محدد نقط محددة لو السهم رمى لها بيخرج و يقول الخسارة القريبة احسن من المكسب البعيد .

    طيب يبقى من الاشطر و الاحوط ؟؟؟

  5. #45

    افتراضي رد: (((وجهة نظر فنية عن السوق والأسهم)))

    امثلة واقعية حصلت معايا شخصيا .

    - اشتريت سهم الالمونيوم العربية فى 2007 ب 320 جنيه و دخلت الاكتتاب و اخدت تقريبا 2.5 سهم ب10 جنيه السهم و بعت الاسهم الاصليه ب200 جنيه و اسهم الاكتتاب ب150 جنيه تقريبا .

    و للاسف الشديد بعدما حققت ارباح هلامية من هذا السهم ضاعفت الكمية و اشتريت على 150 و بعتها للاسف على 98 جنيه لتضيع كل هذه الارباح .

    السهم جاب بعد كده 17 .

    انتم عارفين السهم لما جاب 17 جنيه بقيت اضرب كف على كف و استغرب ازاى جاء لى قلب انى اشترى السهم ب320 جنيه .


    و هنا ياجماعة عاوز اقول ان اللى بيشتغل فنى صرف بيقع فى غرام الاتجاه و ينسى القضية الاساسية و هى احنا بنبيع و نشترى ايه ؟؟ طيب و بكام ؟؟؟

    عاوز اقول انى لما اشتريت الالمونيوم ب320 كنت اسير الاتجاه بغض النظر عن النتيجة فالمفروض ان القيمة العادلة كانت لا تزيد عن 60 جنيه .
    و بالتالى المفروض ان ابعد عن هذا السهم .

    و طبعا اللى باع ب17 ده مفترى و مغيب و مش عارف هو بيعمل ايه . و ده طبعا مش عارف قيمة ما يملك .

    و هنا عاوز اقول خليك تاجر شاطر اعرف بتشترى ايه بكام و يستاهل يندفع فيه كام ؟

    كمان فى حاجة لو السعر عرض او نزل بك شويه تأكد تماما انك انت الاصح و الرابح فى النهاية .

  6. #46

    افتراضي رد: (((وجهة نظر فنية عن السوق والأسهم)))

    و طبعا مادمت اتكلمت عن القيمة العادله و الاسعار الجاذبه للشراء يبقى لازم اتكلم عن تليكوم .

    طبعا يا جماعة السهم بيتداول باقل من قيمته بكثير و لا ننسى ان السهم كان ب 18 جنيه (بعد الاكتتاب )فى يوم من الايام ( 90 جنيه قبل الاكتتاب ) و بحوالى ( 1000 جنيه قبل التقسيم ) .

    طبعا الاسعار الحالية هى اسعار مفتعلة و تمثيلية بايخة و عندما يحين الشراء للارتداد و تكوين المراكز سنأتى لنكون معا مراكزنا مع هذا العملاق .

  7. #47
    الصورة الرمزية احمد حسين

    افتراضي رد: (((وجهة نظر فنية عن السوق والأسهم)))

    اقتباس المشاركة الأصلية كتبت بواسطة emadhabola مشاهدة المشاركة
    امثلة واقعية حصلت معايا شخصيا .

    - اشتريت سهم الالمونيوم العربية فى 2007 ب 320 جنيه و دخلت الاكتتاب و اخدت تقريبا 2.5 سهم ب10 جنيه السهم و بعت الاسهم الاصليه ب200 جنيه و اسهم الاكتتاب ب150 جنيه تقريبا .

    و للاسف الشديد بعدما حققت ارباح هلامية من هذا السهم ضاعفت الكمية و اشتريت على 150 و بعتها للاسف على 98 جنيه لتضيع كل هذه الارباح .

    السهم جاب بعد كده 17 .

    انتم عارفين السهم لما جاب 17 جنيه بقيت اضرب كف على كف و استغرب ازاى جاء لى قلب انى اشترى السهم ب320 جنيه .


    و هنا ياجماعة عاوز اقول ان اللى بيشتغل فنى صرف بيقع فى غرام الاتجاه و ينسى القضية الاساسية و هى احنا بنبيع و نشترى ايه ؟؟ طيب و بكام ؟؟؟

    عاوز اقول انى لما اشتريت الالمونيوم ب320 كنت اسير الاتجاه بغض النظر عن النتيجة فالمفروض ان القيمة العادلة كانت لا تزيد عن 60 جنيه .
    و بالتالى المفروض ان ابعد عن هذا السهم .

    و طبعا اللى باع ب17 ده مفترى و مغيب و مش عارف هو بيعمل ايه . و ده طبعا مش عارف قيمة ما يملك .

    و هنا عاوز اقول خليك تاجر شاطر اعرف بتشترى ايه بكام و يستاهل يندفع فيه كام ؟

    كمان فى حاجة لو السعر عرض او نزل بك شويه تأكد تماما انك انت الاصح و الرابح فى النهاية .
    ماشاء الله علك توضيح جميل وباسلوب راقى جدا
    اكمل الله يفتح عليك (((وجهة نظر فنية عن السوق والأسهم))) نادي خبراء المال

  8. #48

    افتراضي رد: (((وجهة نظر فنية عن السوق والأسهم)))

    سيناريو تليكوم تحدثنا عنه بالامس عندما كان يهم الأخ أسامه صادق بالشراء عند 4.52 وبالتالي فلابد أن يؤثر على السوق بأكمله

    فقط سريعاً سأتحدث عن الدعوم القادمة للسوق والتي من شأنها أن تكون دعم للسوق الفترة القادمة بالأرقام ونوضحها في المساء

    أول أرقامنا هي 6600 دعم أفقي قوي ويليه 6515 (متزايد) متوسط 200 يوم إكسبونينشال ثم 6465 (أترك لكم تفسيرها وقوتها)

    علما بأن زمنياً من المرجح تكوين قاع للسوق يوم غد أو قريباً منه بإذن الله ، والله أعلى وأعلم

  9. #49

    افتراضي رد: (((وجهة نظر فنية عن السوق والأسهم)))


    (((وجهة نظر فنية عن السوق والأسهم))) نادي خبراء المال

    الشارت للمؤشر العام وأوضح فيه النقاط التي ذكرتها وسنجدها جميعاً ويتبقى توضيح أهمية النقاط المذكورة

    بداية كان المستوى 6750 هو الحد السفلي للقناة الصاعدة والتي تم كسرها اليوم وبالتالي كانت وقفاً للخسارة

    والمستوى 6515 (متزايدة) يمثل المتوسط الأسي لمدة 200 يوم ويمكننا مشاهدة كيف كان مقاومة قوية

    ويمثله لدينا الخط الأحمر ومن أساسيات الدعم والمقاومة أن أي مقاومة قوية عند كسرها تتحول لدعم قوي

    ونأتي للمستوى 6465 وهو قمة الموجة الأولى من الصعود حسب الترقيم الخاص بي لصعود المؤشر الحالي

    ومن المعروف أن الموجة الرابعة يجب ألا تتداخل مع الموجة الأولى ، ولذلك لتلك النقطة أهميتها وخصوصيتها

    وفي المجمل نجد أن الدعم للمؤشر العام يقع بين المستويين 6465-6600 وهو كلاستر دعم ذات قوة وأهمية

  10. #50

    افتراضي رد: (((وجهة نظر فنية عن السوق والأسهم)))


    (((وجهة نظر فنية عن السوق والأسهم))) نادي خبراء المال

    المصرية للدواجن لم أجد إختصاراً فنياً لها سوى هذا الخط الأفقي عند 3.75-3.80 وأعتبره مصيري للسهم

    في حالة الإرتداد من عنده يأتي اول النماذج الإيجابية لتأكيد الصعود في حالة كسر السهم للمقاومة عند 4.45

    ونكمل الحديث عنه في حينه

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. وجهة نظر فنية لسهم العربية لحليج الاقطان
    بواسطة Mohamed saber في المنتدى نادي خبراء البورصة المصرية Egypt Stock Club
    مشاركات: 3
    آخر مشاركة: 22-04-2014, 02:18 PM
  2. قراءة للسوق و وجهة نظر فنية لمؤشر الاسهم السعودية الرئيسى TASI
    بواسطة Mohamed saber في المنتدى نادي خـبـراء سـوق الـمـال السـعودي Saudi Stock Experts Club
    مشاركات: 2
    آخر مشاركة: 16-04-2014, 05:42 PM
  3. [ تحليل فنى ] وجهة نظر فنية للسوق ، الاقتصاد ، المؤشر السعودى
    بواسطة Mohamed saber في المنتدى نادي خـبـراء سـوق الـمـال السـعودي Saudi Stock Experts Club
    مشاركات: 0
    آخر مشاركة: 27-01-2014, 11:12 PM
  4. [ تحليل فنى ] وجهة نظر فنية للمؤشر العام TASI
    بواسطة Mohamed saber في المنتدى نادي خـبـراء سـوق الـمـال السـعودي Saudi Stock Experts Club
    مشاركات: 6
    آخر مشاركة: 09-12-2013, 09:01 PM
  5. [ وجهة نظر ] تطورات السوق قبل 6/30 , [تفسير] شراء الاجانب بقوة رغم عدم استقرار السوق
    بواسطة Mohamed saber في المنتدى نادي خبراء البورصة المصرية Egypt Stock Club
    مشاركات: 3
    آخر مشاركة: 24-06-2013, 11:56 PM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

يعد " نادى خبراء المال" واحدا من أكبر وأفضل المواقع العربية والعالمية التى تقدم خدمات التدريب الرائدة فى مجال الإستثمار فى الأسواق المالية ابتداء من عملية التعريف بأسواق المال والتدريب على آلية العمل بها ومرورا بالتعريف بمزايا ومخاطر التداول فى كل قطاع من هذه الأسواق إلى تعليم مهارات التداول وإكساب المستثمرين الخبرات وتسليحهم بالأدوات والمعارف اللازمة للحد من المخاطر وتوضيح طرق بناء المحفظة الاستثمارية وفقا لأسس علمية وباستخدام الطرق التعليمية الحديثة في تدريب وتأهيل العاملين في قطاع المال والأعمال .

الدعم الفني المباشر
دورات تدريبية
اتصل بنا