إستراتيجيات التداول بموجات إليوت

إعلانات تجارية اعلن معنا

النتائج 1 إلى 1 من 1

الموضوع: سوق مكعيل

  1. #1

    افتراضي سوق مكعيل

    سوق مكعيل
    شخصيات القصة
    مكعيل : درويش في القرية يعني ابن حلال يعني خبيل شوي
    معيض : واحد في القرية توه بادي يجرب حظه في التجارة ( يعني قاعد يتعبث في الاسهم )
    مشقاص : ولد خالة معيض
    المكان : قرية صغيرة

    مكعيل : ( جالس عند المسجد بعد صلة العصر وعنده قواطي صلصة قديمة يلعب فيهن ويملاهن بالتراب ويرصهن ) فاضي ماعنده شغل
    معيض : وش تسوي يامكعيل
    مكعيل : ( وش يقول مايدري ......... خطرت له فكره قال : عندي هالقواطي ودي ابيعهن
    معيض : على كم
    مكعيل : على عشرة
    معيض : ( لقاه مقفاه وراح وهو يقول الحمد لله يالله عطه عقل من عندك )

    بكرة بعد العصر نفس القعدة مكعيل عند المسجد بس استحلى الشغلة
    مكعيل : على عشرة على عشرة ابو السمايح بايع ورايح على عشرة
    معيض : انت مهبول ياولد رح لهلك ابرك لك
    مكعيل : كل يوم وانت تتهزابي الحق الزين لايروح
    معيض : وش اسوي فيهن
    مكعيل : تترزق الله فيهن تبيعهن بمكسب وان مالقيت احد يشتريهن ان ابي اشتريهن منك بكرة
    معيض : قلبها بمخه شوي ........ طيب هات قواطيك يامكعيل 5 قواطي من 10 ريال يعني 50 ريال توكلنا على الله

    بكره بعد صلاة الظهر معيض قاعد في بيته والا الباب يطق
    معيض : من يطق الباب
    مكعيل : انا مكعيل ياعم معيض
    معيض : ياهلا والله هلا بوجه السعد ( اختلفت اللهجة بلا فيها دراهم )
    مكعيل : القواطي عندك بترابهن والا لا
    معيض : نعم موجودات
    مكعيل : ابي اشتريهن منك بمكسب 10%
    معيض : نعم هاه كيف معليش ياعم مكعيل تراني انصقهت من تالي
    مكعيل : اقول ابي اكسبك عشرة بالمية يعني نسبة لك خاطر والا اروح
    معيض : جيبي جيبي القواطي يابنت وانتبهي التراب لاينكب

    من بكره
    ام معيض قالت لاختها ام مشقاص تبي تفيد اختها
    وبعد العصر عند المسجد

    مكعيل : بخمسين بخمسين ابو السمايح بايع ورايح بخمسين
    معيض : وش بلاك يامكعيل وش تقول
    مشقاص : معيض امي قايلتلي قواطيه على عشرة وش جد جديد
    مكعيل : اقول ان جازلك السعر والا خله ...... الغالي دواه الترك .... على خمسين على خمسين
    معيض : وراك يامكعيل المفروض اليوم ارخص عند 20 قوطي
    مكعيل : وانت تعدهن علي تبي تشاركني ....... هذا سعر اليوم السوق يختلف وان مالقيت احد يشتريهن منك يمكن امر بكرة واشتريهن منك
    معيض : اقول اجل عطني 15 قوطي
    مشقاص : وراك ياولد خالتي وش خليت لي ...... عطني يامكعيل الباقي 5 قواطي

    بكرة بعد صلاة الظهر في بيت مشقاص
    مشقاص : ( يفرك ايدينه ويدور في الصالة ) وينك يامكعيل وينك
    مكعيل : ( يطق الباب على مشقاص ويرفسه برجله من البطرة ) مشقاصوه ... مشقاصوه ... صقه وينك
    مشقاص : هلا والله بالشيخ مكعيل
    مكعيل : القواطي عندك عطنياهن وخذ في الواحد 55 ريال يعني مكسب 10%
    مشقاص : ياهلا بوجه السعد ... سم ياخلف ابوي

    عند بيت معيض ...... مكعيل يطق الباب
    مكعيل : يامعيض
    معيض : ياهلا
    مكعيل : القواطي عندك تراني جيتك شراي وابي اكسبك 10%
    معيض : ماتخارج
    مكعيل : نعم اقول ابي اكسبك نسبة تقول ماتخارج
    معيض : ابي تدبيلة تعرف وش معنى تدبيلة ........ بيشة والغذائية وغيرها مو ابرك من قواطيي
    مكعيل : ماودك تشاور نفسك
    معيض : تبيهن والا خل قواطيي عندي
    مكعيل : امري لله

    بعد اسبوع شاع خبر مكعيل في القرية صار اللي ماكان يصلي بالمسجد يجي العصر يصلي يحتري البيعة
    مكعيل : ( جمع قواطي الحارة كلهن حتى المعفطات زينهن وسمكرهن واللي بويته قديمه دهنها من جديد ) على ميتين على ميتين ابو السمايح بايع ورايح على ميتين

    ( انكبو الناس على مكعيل كل واحد يبي يشتري )
    ( بعد 5 دقايق مابقى مع مكعيل ولا قوطي :

    بكرة بعد الظهر
    معيض ( ينتظر )
    مشقاص ( جته الدوخة وهو يلف في الصالة ينتظر مكعيل
    ( كل واحد في القرية ينتظر مكعيل )
    العصر اذن ماجاهم مكعيل

    ( بعد صلاة العصر مكعيل قاعد عند المسجد معه مساويك )
    مكعيل : على ريالين على ريالين ابو السمايح بايع ورايح على ريالين
    معيض : وراك ماجيت تشتري القواطي يامكعيل
    مكعيل : والله بطلت الشغلة ياطويل العمر
    معيض : والقواطي وفلوسي
    مشقاص : يخوي ما ابي مكسب اشترهن براس المال
    معيض : مكعيل انا ابي اخصملك 10% والا اقول 20% واذا كنت مزنوق اصبر عليك تقصيد مو مشكلة والله توني بايع مزرعتي تكفى ياشيخ مكعيل
    مشقاص : يبن الحلال ابخصملك 50% بس خذ قواطي هالتراب بقرتنا مابعتها الا قبل امس عشان اشتري قواطيك
    مكعيل : يا اخوان وراكم زعلانين الشغلة وما فيها اني بطلت هذي الشغلة ولو تبي تبيعهن بريالين ماشريتهن

    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
    التعديل الأخير تم بواسطة محمد السريع ; 02-08-2006 الساعة 09:57 PM

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

يعد " نادى خبراء المال" واحدا من أكبر وأفضل المواقع العربية والعالمية التى تقدم خدمات التدريب الرائدة فى مجال الإستثمار فى الأسواق المالية ابتداء من عملية التعريف بأسواق المال والتدريب على آلية العمل بها ومرورا بالتعريف بمزايا ومخاطر التداول فى كل قطاع من هذه الأسواق إلى تعليم مهارات التداول وإكساب المستثمرين الخبرات وتسليحهم بالأدوات والمعارف اللازمة للحد من المخاطر وتوضيح طرق بناء المحفظة الاستثمارية وفقا لأسس علمية وباستخدام الطرق التعليمية الحديثة في تدريب وتأهيل العاملين في قطاع المال والأعمال .

الدعم الفني المباشر
دورات تدريبية
اتصل بنا