البرنامج التأهيلي للحصول على شهاده محلل مالى معتمد دوليا ( CFA )

إعلانات تجارية اعلن معنا

صفحة 1 من 2 12 الأخيرةالأخيرة
النتائج 1 إلى 10 من 11

الموضوع: وافد جديد ارجو المساعدة

  1. #1
    الصورة الرمزية هشام عبد الحليم

    افتراضي وافد جديد ارجو المساعدة

    لأول مرة
    افكر بشكل جدى لتحليل البورصة المصرية وخاصة ان شايف انها فرصة كبيرة اوووى فى الفترة ديه لشراء الاسهم والاحتفاظ بها لفترة وبالتالى ممكن تحقق فيها ربح جيد

    حاولت احدد الفروق بين التحليل الفنى لسوق العملات والتحليل الفنى لسوق زى بورصة الاوراق المالية
    لكن الطبيعى قدرت احدد بعض الفروق ولكن ظلت حاجات كتير مبهمه فحبت اسأل عليها

    1 - فين هوافضل مكان احصل منه على بيانات السوق المصرى التاريخية بصيغة ميتا استوك ويون موثوق فيها ؟
    2- برنامج ميتا استوك مش عارف اتعامل معاه باحتراف زى برنامج ميتا تريدر زى
    - ساعات بحط موفينج افريدج على الرسم واكبر الصورة او اصغرها شوية الاقى مكان المتوسط اتغير
    فهل ده علشان هو بيحسب على اساس الشموع اللى ظاهر على الشاشه بس فلما عدد الشموع يزيد بتتغير النتيجة ؟ ولا ده ايه بالظبط ؟
    - فى الرسم البيانى على مدار اليومى بيكون متوقف عند حد معين بس انا عايز اوف على مدار اليومى ابعد وبيكون على الاسبوعى فى بيانات ابعد لكنها مش بتظهر على اليومى ؟ اعمل ايه ؟

    اسئلة تخص السوق نفسه
    - انا عايز احلل كل قطاع لوحده هل فى شارت بيوضح حركة القطاع ؟
    ولا انا المفروض احلل الاسهم الرائده فى القطاع اللى انا عايزه؟ وايه هى الاسهم الرائده فى كل قطاع ؟
    -فى بعض الاسهم بلاقى الرسم البيانى بتعها غريب
    - زى الفجوات الواسعة اووى فى الرسم اوان شموع اطوالها كبيرة جدا ، فهل ديه تحركات طبيعية للاسهم ولا ممكن يكون خطىء فى البيانات اللى عندى ؟

    اعتذر عن الاطالة لكنى بتمنى انى اتعلم منكم


  2. #2
    الصورة الرمزية د/أحمد جمعة

    افتراضي رد: وافد جديد ارجو المساعدة

    مرحبا بك اخي هشام في ناديك
    سوف يرد عليك مشرفي القسم المتخصصين ان شاء الله

    تحياتي لك

  3. #3

    افتراضي رد: وافد جديد ارجو المساعدة

    انا ايضا منتظر الرد

  4. #4
    الصورة الرمزية احمد حسين

    افتراضي رد: وافد جديد ارجو المساعدة

    اقتباس المشاركة الأصلية كتبت بواسطة هشام عبد الحليم مشاهدة المشاركة
    لأول مرة
    افكر بشكل جدى لتحليل البورصة المصرية وخاصة ان شايف انها فرصة كبيرة اوووى فى الفترة ديه لشراء الاسهم والاحتفاظ بها لفترة وبالتالى ممكن تحقق فيها ربح جيد

    بالتوفيق ان شاء الله

    حاولت احدد الفروق بين التحليل الفنى لسوق العملات والتحليل الفنى لسوق زى بورصة الاوراق المالية
    لكن الطبيعى قدرت احدد بعض الفروق ولكن ظلت حاجات كتير مبهمه فحبت اسأل عليها

    1 - فين هوافضل مكان احصل منه على بيانات السوق المصرى التاريخية بصيغة ميتا استوك ويون موثوق فيها ؟

    ده لينك خبراء المال وبه بيانات جميع الدول العربية

    ط¨ظٹط§ظ†ط§طھ ط§ظ„ط§ط³ظˆط§ظ‚ ط§ظ„ط¹ط±ط¨ظٹط© | Arab Markets Data

    وهذا لينك لشير محمد سعيد وبه بيانات السوق المصرى فقط

    emarket last price.rar - 4shared.com - online file sharing and storage - download - Mohammed Saeed

    2- برنامج ميتا استوك مش عارف اتعامل معاه باحتراف زى برنامج ميتا تريدر زى
    - ساعات بحط موفينج افريدج على الرسم واكبر الصورة او اصغرها شوية الاقى مكان المتوسط اتغير
    فهل ده علشان هو بيحسب على اساس الشموع اللى ظاهر على الشاشه بس فلما عدد الشموع يزيد بتتغير النتيجة ؟ ولا ده ايه بالظبط ؟

    امسح المؤشر ونزله من الاول ولو اداك اختيارات
    اختار
    new scale on raiht or lift

    - فى الرسم البيانى على مدار اليومى بيكون متوقف عند حد معين بس انا عايز اوف على مدار اليومى ابعد وبيكون على الاسبوعى فى بيانات ابعد لكنها مش بتظهر على اليومى ؟ اعمل ايه ؟

    دوس دابل كليك على التاريخ اللى تحت
    هايظهر مربع به تاربخ البداية
    FIRST DATE
    اختار التاريخ اللى عايز البيانات تظهر منه


    اسئلة تخص السوق نفسه
    - انا عايز احلل كل قطاع لوحده هل فى شارت بيوضح حركة القطاع ؟
    ولا انا المفروض احلل الاسهم الرائده فى القطاع اللى انا عايزه؟ وايه هى الاسهم الرائده فى كل قطاع ؟

    لا مفيش مؤشر لكل قطاع على حدى
    ويعتبر الرائد للسوق المصرى عامة هما سهمى اوراسكوم تيلكوم واوراسكوم انشاء وصناعة


    -فى بعض الاسهم بلاقى الرسم البيانى بتعها غريب
    - زى الفجوات الواسعة اووى فى الرسم اوان شموع اطوالها كبيرة جدا ، فهل ديه تحركات طبيعية للاسهم ولا ممكن يكون خطىء فى البيانات اللى عندى ؟

    لو لقيت نسبة السيولة ضعيفة جدا فاعرف ان ديه اسهم بيبقى سهب بيتم التلاعب به
    لكن لو السيولة عالية وبه فجوات ارجوك ذكر اسماء الاسهم لنطابق سويا صحة الشارت


    اعتذر عن الاطالة لكنى بتمنى انى اتعلم منكم

    بالتوفيق ان شاء الله

    تمت الاجابة بالمرفقات
    بالتوفيق ان شاء الله

  5. #5
    الصورة الرمزية هشام عبد الحليم

    افتراضي رد: وافد جديد ارجو المساعدة

    انا فى غاية السعاده على اهتمامك وردك
    ربنا يكرمك ويجعله فى ميزان حسناتك



    اسئله جديده اتمنى انكو متزهقوش وتساعدونى


    ازاى استفيد من تحليل المؤشرات العامه للسوق egx30 70 100 مع تحليلى للاسهم ؟ انا مش عارف ايه الاهمية من ده ؟

    لو حبيت اختار سهم اشتريه
    لوعايز استثمر فى سهم لفتره طويله ؟ ايه هى اهم الاسس اللى اختار على اسسها (اذكر الاسباب بشكل اجمالى علشان مطولش عليك )
    انا بختاره على اساس الاسهم الاثقل فى الوزن النسبى من مؤشر الثلاثين او الشركات الاشهر فى القطاعات
    ويكون السعر الحالى اقل من القيمه العادله (تقييم القيمه العادلة انا بجيبه من موقع مباشر فهل يمكن الاعتماد على هذه البيانات فى قرارات الشراء؟)
    ومن الناحية الفنية يكون فى توقعات للصعود على المدى البعيد
    هل ده يكفى

    ايه هى البيانات اللى منها احدد ان السهم المضاربين بيعتبروه من اسهم المضاربه او الاسهم اللى بيتم التلاعب بيها ؟

    بالنسبة لمتاستوك انا دلوقتى معايا البيانات التاريخية وعايز احدثها واضيف عليها البيانات الجديده
    انزل البيانات الجديده من موقع خبراء المال واضفها ازاى ؟

    كل شارت بفتحه بيفتح برسم البارات وانا كل شغلى على الشموع انا بعرف اغير الشارت لشموع لكن هل فى اوبشن اثبت بيه الشموع بحيث ان اى شارت افتحه يكون شموع ؟

    فى انتظار ردكم الكريم
    واتمنى انى مكونش تقيل عليكم

  6. #6
    الصورة الرمزية د/أحمد جمعة

    افتراضي رد: وافد جديد ارجو المساعدة

    مرحبا اخي هشام
    سوف اجيبك علي بعض من اسئلتك بناء علي تجربة شخصية لي بالسوق المصري ومازلت فيه
    تحليل المؤشرات بوجه عام يفيد قرارك في دخول السوق
    بمعني حسن السوق ولا حسن البضاعة
    بضم الحاء...اي انه سوق جيد افضل من بضاعة جيدة
    بمعني آخر...الاسهم مهما كانت ممتازة...ففي ظل وضع البورصة بوجه عام...سوف يكون اداء سئ
    لذلك المؤشرات مهمة جدا لأي مستثمر...
    ثم يأتي اقتناص الأسهم..

    منذ شهر 8 الماضي تقريبا قررت دخول السوق المصري
    بالنسبة للأسهم فأعطيك ماافعله في محفظتي...
    اولا موقع مباشر يوفر القيمة الاسمية والقيمة الدفترية
    الاسهم التي تقارب ايهم...انظر اليها
    الاسهم التي قيمتها الدفترية تحت القيمة الاسمية (اي تحقق خسائر)...ابتعد عنها

    ثم انظر الي الشارت...ومدي حركته خلال الفترة الماضية وامكانية ارتداده...بنسبة كم مئويا؟
    وبعد الفلترة لما سبق...اراجع الاسهم ايهم افضل من ناحية التوزيعات المالية؟
    (موقع مباشر يوفر ذلك في العديد من الأسهم)

    ثم بعد الفلترة....انظر اي الاسهم ليست متعلقة بقضايا امام المحاكم او فساد او ملاحقات قانونية؟
    ثم بعد الفلترة...انظر الي اي الاسهم مستقبلها ليس به مشاكل؟مثل الشركات كثيفة الاستخدام للطاقة؟والغاء الدعم الحكومي عنها؟او شركات الحديد ومشاكل رخص الحديد...الخ.

    وبعد ذلك اتوكل علي الله وآخذ قرار الشراء للاسهم.
    كل هذه النصائح بناء علي تجربة شخصية...وتغيير في المراكز المالية للمحفظة....بعد ان وجدت اني محتفظ بأسهم خاسرة ماليا (رغم انها جيدة فنيا).

    اخيرا رؤيتي الشخصية...البورصة المصرية بها فرص استثمارية رائعة...ونسأل الله التوفيق فيها...

    بالتوفيق ياغالي.

  7. #7
    الصورة الرمزية احمد حسين

    افتراضي رد: وافد جديد ارجو المساعدة

    بوركت دكتور احمد على الرد

  8. #8
    الصورة الرمزية احمد حسين

    افتراضي رد: وافد جديد ارجو المساعدة

    اقتباس المشاركة الأصلية كتبت بواسطة هشام عبد الحليم مشاهدة المشاركة
    انا فى غاية السعاده على اهتمامك وردك
    ربنا يكرمك ويجعله فى ميزان حسناتك



    اسئله جديده اتمنى انكو متزهقوش وتساعدونى


    ازاى استفيد من تحليل المؤشرات العامه للسوق egx30 70 100 مع تحليلى للاسهم ؟ انا مش عارف ايه الاهمية من ده ؟
    مؤشر ايجى اكس 30 يهتم بالاسهم ذات السيولة العالية وهى غالبا اسهم مؤسسات اما مؤشر ايجى اكس 70 فهو مؤشر انتقائى لاهم الاسهم التى تهم الافراد والمقارنة بين المؤشرات جيدة خصوصا الانفراج بينهم يوضح القمم والقيعان
    لو حبيت اختار سهم اشتريه
    لوعايز استثمر فى سهم لفتره طويله ؟ ايه هى اهم الاسس اللى اختار على اسسها (اذكر الاسباب بشكل اجمالى علشان مطولش عليك )

    فى الوقت الحالى افضل اختيار الاسهم ذات المركز المالى الجيد وصاحبة الاصول الكبيرة ولو كانت هابطة من سعر عالى فيكون هذا افضل وافضل وخصوصا اننا الان لانملك اتجاه صاعد وعلى حسب فهمى ستدخل على اساس الاستثمار

    انا بختاره على اساس الاسهم الاثقل فى الوزن النسبى من مؤشر الثلاثين او الشركات الاشهر فى القطاعات
    ويكون السعر الحالى اقل من القيمه العادله (تقييم القيمه العادلة انا بجيبه من موقع مباشر فهل يمكن الاعتماد على هذه البيانات فى قرارات الشراء؟)

    من الممكن الاعتماد على موقع مباشر ولكن ليس بشكل دقيق فللاسف لايوجد بالسوق المصرى معلومات وافية

    ومن الناحية الفنية يكون فى توقعات للصعود على المدى البعيد
    هل ده يكفى

    ايه هى البيانات اللى منها احدد ان السهم المضاربين بيعتبروه من اسهم المضاربه او الاسهم اللى بيتم التلاعب بيها ؟

    الفوليوم + الاتجاه ومقارنة الاتنين تجعلك ترى انفاس المضاربين على الشارت

    بالنسبة لمتاستوك انا دلوقتى معايا البيانات التاريخية وعايز احدثها واضيف عليها البيانات الجديده
    انزل البيانات الجديده من موقع خبراء المال واضفها ازاى ؟

    كل شارت بفتحه بيفتح برسم البارات وانا كل شغلى على الشموع انا بعرف اغير الشارت لشموع لكن هل فى اوبشن اثبت بيه الشموع بحيث ان اى شارت افتحه يكون شموع ؟

    دوس دابل كليك على الشارت وستظهر قائمة اختار منها الشموه وستكون ثابته الا فى حالة اختيار نيو شارت

    فى انتظار ردكم الكريم
    واتمنى انى مكونش تقيل عليكم

    قمت بالرد من وجهة نظرى فى المرفقات
    اسال فى اى وقت وسنعمل جاهدين على افادتك باذن الله

  9. #9
    الصورة الرمزية هشام عبد الحليم

    افتراضي رد: وافد جديد ارجو المساعدة

    انا سعيد للغايه باستجابتكم لأسئلتى والرد عليها


    قمت بوضع شارت كل من
    egx 30
    egx 70
    egx 100
    فى شاشة واحدة و كانوا متطابيقين تقريبا
    وافد جديد ارجو المساعدة نادي خبراء المال

    و ده نسبيا يعنى ان تحليل احدهم يعتبر تحليل للاخرين ، وبالتالى احدهم يكفى
    ايه هى دلالات كل مؤشر منهم على حدى (اذا كان 30 اعلى الشركات سيولة ونشاط و 70 اهم الاسهم فى السوق) ايه الفايده من المؤشرين اذا كانوا متطابقين ؟
    وازاى كلهم يعتبروا قياسات للسوق
    من زوايا مختلفه ؟

    وايه رايكم فى اسهم زى للاستثمار طويل الاجل
    طلعت مصطفى
    بالم هيلز
    اوراسكوم تيلكوم


    وياريت ترشحولى اسهم تكون انتو شيفين انها هتكون مهمة على المدى المتوسط والبعيد؟


    فى انتظاركم

  10. #10
    الصورة الرمزية هشام عبد الحليم

    افتراضي رد: وافد جديد ارجو المساعدة

    هل من مجيب !!!
    مازلت فى انتظار ردكم


صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. استفسارات من وافد جديد علي السوق السعودي
    بواسطة ahmed phen0m في المنتدى نادي خـبـراء سـوق الـمـال السـعودي Saudi Stock Experts Club
    مشاركات: 6
    آخر مشاركة: 01-09-2012, 06:27 PM
  2. ارجو المساعدة
    بواسطة سلمان السطري في المنتدى نادي خـبـراء الـبـورصه العالمية
    مشاركات: 4
    آخر مشاركة: 14-08-2009, 01:16 AM
  3. ارجو المساعدة
    بواسطة bumarwan في المنتدى نادي خبراء الاسهم العالمية والصناديق الاستثمارية Global Stocks, ETFs, Funds, Options
    مشاركات: 2
    آخر مشاركة: 12-08-2009, 12:28 PM
  4. ارجو المساعدة
    بواسطة mohmmed fozy في المنتدى نادي خـبـراء الـبـورصه العالمية
    مشاركات: 4
    آخر مشاركة: 13-04-2007, 05:00 AM
  5. ارجو المساعدة
    بواسطة جاسر حماد في المنتدى نادي خـبـراء الـبـورصه العالمية
    مشاركات: 3
    آخر مشاركة: 06-03-2006, 03:29 PM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

يعد " نادى خبراء المال" واحدا من أكبر وأفضل المواقع العربية والعالمية التى تقدم خدمات التدريب الرائدة فى مجال الإستثمار فى الأسواق المالية ابتداء من عملية التعريف بأسواق المال والتدريب على آلية العمل بها ومرورا بالتعريف بمزايا ومخاطر التداول فى كل قطاع من هذه الأسواق إلى تعليم مهارات التداول وإكساب المستثمرين الخبرات وتسليحهم بالأدوات والمعارف اللازمة للحد من المخاطر وتوضيح طرق بناء المحفظة الاستثمارية وفقا لأسس علمية وباستخدام الطرق التعليمية الحديثة في تدريب وتأهيل العاملين في قطاع المال والأعمال .

الدعم الفني المباشر
دورات تدريبية
اتصل بنا