اعجبني جدا هذا الموضوع واضحكني اضحك الله سن كاتب هذا الموضوع

وهو يحاكي عن آلمـه بسبب سهم الأحــساء

تعليقات روعه




والله يا اخوان من دخلت في هالسهم ,,, وكني داخل في مقبرة موتى

لا حس ولا سؤال ولا تحليل ولا طاري ولا ناشد ولا منشود .. !!


ويوم اتابعة بالسوق كنه مربوط في ذنب المؤشر .... إن طلع حبة طلع حبة ,, وإن نزل حبة نزل حبتين

كنه طفل صغيرون ما يقدر يمشي لحالة !!


من جد حرررررت بهالسهم اللي غافلين عنه الملايين !!
جميع المنتديات ولو تدورون في اخر عشر صفحات في كل منتديات الاسهم ,, ما تلقون له طارئ

والظاهر حتى لو افتح له منتدى لحالة بنصير نتكلم عن غيرة



** ومن زود الثقافة فيني والاطلاع ...

قلت ما بدهاش أكيــــــــــــــد قوقل عنده الخبر اليقين

واكتب في قوقل ((سهم الأحساء)) !

الا وتجيني صفحة فيها صورة واحد زعلان
وتحتها رسالة مكتوب فيها

>> ياخي انت ماعندك شغل

واروح اغسل وجهي - خفت اني كنت احلم - وارجع لقوقل

واكتب في قوقل (( سهم الأحساء)) !

الا وتجيني رسالة بلانجليزي ,, واطق المترجم

الا وفيها هالرسالة ..
ياخوي معقول انت عايش للحين ,, وش ذا الاحساء اللي صجيتنا فيها
يا دايخ انقز بسرعة لموقع هيئة السوق يمكنها موقفة من زمان

والله اني انا - انت ياقوقل- من عرفت هالنت ما احد سأل عن الاحساء الا اثنين يدورون اسعار التمر


انتي صاحي ولا منخف


تبي حايل عطيتك عشر لنكات ... تبي جوف عطيتك عشرين ... تبي شرقية عطيتك مية .... تبي جيزان عطيتك ميتين

بس الله يخليك ابعدني عن بيشه وانعام >>>> لا يكتب الله على موقعنا وتوقفه هيئة سوق مالكم


مالها امــــــــــــــــــــان يا خـــوك




المـــــــــــــــــــــــهم وزبدة الحكي !!

عندكم علم عطونا اياه ,,,,

من جد شكل هالسهم سهم شيبان ماعمرهم سمعوا بالمضاربات ,, وشكل ما فيه الا خمسين سهم هي اللي يتداولونها العالم .... الباقي مقفلين عليه اهله في التجوريات



لا ومضاربها الكبير


مخلي محفظته >>> وقف خيري !!

يعني ما راح يبيع ولا راح يشتري